Grupys “Bez PVN” daleibnīku dzeivu laimeiguos šaļts dzīsmis “Zalts” video

Grupys “Bez PVN” daleibnīku dzeivu laimeiguos šaļts dzīsmis “Zalts” video

Rokstu sagataveja: portals lakuga.lv

Kai īrosts kotra mieneša 8. datumā ari 8. februars atguojs ar grupys “Bez PVN” jaunū dzīsmi – itūreiz nu tūpūšuo albuma “Paraleli horizonti” tei ir dzīsme “Zalts”.

Grupys jaunuokuos dzīsmis “Zalts” video radzamī kadri ir nu vysu pīcu grupys daleibnīku dzeivis privatūs albumu i tim beja tik vīns nūsacejums – tai juobyut vītai voi nūtykumam, kurā kotrys nu jūs beja laimeigs. Bet par pošu dzīsmi grupys liders Kristaps Rasims soka: “Dzīsme ir veļtejums munai sīvai Baibeņai – munam zaltam. Kab i jums kotram rādā ir cylvāks, ar kuru viertīs vīnā vierzīnī!”

Dzīsmis “Zalts” muzykys i vuordu autori ir Kristaps Rasims i grupa “Bez PVN”. Dzīsmis videoverseju taisejs Ivars Utināns, bet teksta video grafikys salykuse Viola Lapa. “Zalts” īraksteita studejā “Hodila Records” pi Girta Laumaņa i studejā “Reiga”, bet dzīsmis miksa i mastera apstruodis taisejs Armands Treilihs. Sūpluok grupys daleibnīkim dzīsmis īrokstā pīsadalejuse altiste Zane Dziesma.

Jaunys dzīsmis publiciešona kotra mieneša 8. datumā suocēs septembrī ar dzīsmi “33”, pasaturpynuoja oktobrī ar “Batuts”, novembrī “Skaidys”, decembrī “Jau ni mes”, janvarī “Plyudi” i niu “Zalts” ir jau sastais publicātais skaņdorbs. Atguodynojam, ka itys vyss nūvess iz grupys jaunuo albuma “Paraleli horizonti” prezentacejis koncertu, kas paradzāts cyta gods 18. martā Latgolys viestnīceibā GORS Rēzeknē. Koncerta beletus var nūpierkt ITE.

Koncertā “Paraleli horizonti” grupa apvīnuos sova jaunuokuo studejis albuma prezentaceju ar dzīšmu vysaida veida interpretacejom. Koncertā uzastuos ari cyti gosti i “Bez PVN” draugi. Jaunajā albumā byus apkūpuotys kovida īrūbežuojumu i sātā siediešonys laikā pīdzymušuos “Bez PVN” dzīsmis. Īprīškejais lelais grupys koncerts taišni Latgolys viestnīceibā GORS izskanēja 2019. goda oktobrī. Tū var nūsavērt ITE.

Grupā “Bez PVN” dorbojās: Kristaps Rasims (bolss, elektriskuo gitara), Guntis Rasims (bolss, akustiskuo gitara), Juris Vucāns (bolss, elektriskuo gitara, tausteni), Valdis Vucāns (basa gitara) i Normans Bārbals (bungys).

Print Friendly, PDF & Email

Nūtikšonu kalendars

Sep
29
Pīk
16:00 Rotko muzeja kruojuma izstuodis ... @ Daugovpiļs Marka Rotko muokslys centrs
Rotko muzeja kruojuma izstuodis ... @ Daugovpiļs Marka Rotko muokslys centrs
Sep 29 @ 16:00 – 17:00
Pīktdiņ, 29. septembrī, 16.00 stuņdēs Daugovpiļs Marka Rotko muokslys centrā, iz prīšku – Rotko muzejā, sūpluok muokslinīka Marka Rotko originalu ekspozicejai tiks atkluota kruojuma izstuode “Nr. 2 [Bez nosaukuma]”. Kruojuma izstuodei izvālāti muokslys dorbi, kas[...]
19:00 Aijis Rimšys pīminis koncerts “Z... @ Latgolys viestnīceiba "Gors"
Aijis Rimšys pīminis koncerts “Z... @ Latgolys viestnīceiba "Gors"
Sep 29 @ 19:00 – 21:00
Latgolys rūženis, dzīduotuojis i dzīšmu autoris Aijis Rimšys myusu vydā nav jau ostoņpadsmyt godu, tok juos dzīsmis dzeivoj i skaņ. Desmit muzykalajūs godūs – deveni dzīšmu albumi! Taids ir montuojums, kurū mums pamatuse Aija Rimša,[...]