Rēzeknē nūtiks pyrmais Storptautyskais etnodžeza muzykys ansambļu konkurss “Guoyu pa Jazz”

Rēzeknē nūtiks pyrmais Storptautyskais etnodžeza muzykys ansambļu konkurss “Guoyu pa Jazz”

Rokstu sagataveja: portals lakuga.lv

Juoņa Ivanova Rēzeknis muzykys vydsškola (JIRMV) izsludynuojuse pyrmū Storptautyskū etnodžeza muzykys ansambļu konkursu “Guoyu pa Jazz”. Tuo mierkis ir na tik sekmēt jaunūs muziku profesionalū izaugsmi, personys vyspuseigu atteisteibu, pylnveiduot audziekņu kolektivuos uzastuošonys prasmi i pīredzi, kai ari myusu dīnu muzykys žanrā īkļaut tautys tradicionalū vierteibu – tautysdzīsmi.

Konkursa dalinīkim, žurejai i vysim kluotyn asūšajim gostim 2. majā Latgolys viestnīceibys GORS Mozajā zālē byus vareiba dzierdēt jaunys tautysdzīšmu aranžejis etnodžeza skaniejumā. Konkursā aicynuoti pīsadaleit na tik Latvejis, bet ari uorzemu muzykys vydsškolu Tradicionaluos muzykys, Džeza i myusu dīnu ritmu muzykys izgleiteibys programu audziekņu instrumentalī i vokali instrumentalī ansambli.

Vaicuojumus jau radejs konkursa nūsaukums “Guoyu pa Jazz” – kaidā volūdā tys eisti ir i kai juoizrunoj? JIRMV puorstuove Ilze Unzule skaidroj: “Konkurss tyka veiduots, kab popularizātu myusu školu, samārā jaunū Džeza muzykys nūdaļu, Latgolu kai regionu, kas ir bezgola boguots ar kulturu, tradicejom, cylvākim. Vīns nu golvonūs myusu pošu izvierzeitajim nūsacejumim beja sova regiona populariziešona ar rakstureigajom tautysdzīsmem. Myusu gadīnī Latgola, līpuojnīkim tei byus Kūrzeme, leitovīšim – sovi regioni. Bolstūtīs iz gribiešonu izceļt taišni sovus regionus i tūs vierteibys, ari radīs, kai mes poši sokom, latgaliski angliskais konkursa nūsaukums “Guoyu pa Jazz” (nu tautysdzīsmis “Guoju pa mežu”). Parkū “guoyu”, na “guoju”? Partū, kab uorzemu dalinīki izrunuotu latgaliski pareizi (cytaiž byutu “guodžu pa džazz”). Storptautyskam konkursam storptautysks nūsaukums, tok ar pamateigu gribiešonu turētīs pi sovu dziļūs latgalīšu sakņu!”

Konkursa dalinīkim byus juoizpylda diveji skaņdorbi: sova puorstuovātuo apvyda tautysdzīsme originalaranžiejumā, kurys atskaņuošonā vālams īkļaut ari kaidu/s nu tautys muzykys instrumentu, kai ari breivys izvielis skaņdorbs originalaranžiejumā voi originalkompoziceja, kas īkļaun etniskuos muzykys elementus.

Konkursa laikā tiks padūtys vairuokys bolvys: specbolva par lobuokū aranžeju, specbolva par lobuokū individualū snāgumu, kai ari Latgolys viestnīceibys GORS simpateju bolva. Dalinīkus viertēs kompetenta četru puorstuovu žureja, nu kurūs vīns puorstuovs byus storptautyska mārūga eksperts.

Konkursa dalinīku pīsacejums juoīsyuta elektroniski leidz 14. apreļam ITE.

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]