Kulturys īsacejumi nedeļai: “Titaniks”, pica Ludzā i “Puoru zīpis”

Kulturys īsacejumi nedeļai: “Titaniks”, pica Ludzā i “Puoru zīpis”

Rokstu sagataveja: portals lakuga.lv

Goda romantiskuokuo nedeļa ar “Titaniku”, pučem i sorkonom sirdim ir kluotyn! Kab vyss nabyutu viņ ap šmukū i banalū, ituos nedelis īsacejumus vaicojam puoram, kurs pasuokumā “Ziepes” runuos par tū, kaidys puoru zīpis obeji pīvuorejuši sovu attīceibu laikā – Juoņam Pampem i Rasai Deksnei. Kai poši soka: “Najau vysod zīpis nūzeimoj nazkū švaku.”

Svietej Valentina dīnu i kinys “Titaniks” 25 godu jubileju

Vysim labi zynoma kina par meileibu ar na vysā lobom beigom. Mums ar Rasu “Titaniks” Vaļuka nedeļā ir kai “Limuzīns Jāņu nakts krāsā” ap Juoņa dīnu. “Titanikā” vysod jiutam leidza muzikim, kas da pošu beigu dora tū, kas pateik. Šūgod itei kina svietej sovu 25 godu jubileju, partū Latgolys viestnīceibys GORS kinuteatrī Rēzeknē teik reikuots eipašais seanss, kurā kotram ir vareiba tū nūsavērt iz leluo ekrana. Beletus iz “Titaniku” GORS Kino vari nūpierkt ITE.

Pastaiga ar picu Ludzā

Mes šod tod kai syltajā sezonā, tai ari kod vāsuoks aizbraucam da Ludzai. Nazynu, nazkas pi tūs azaru ir taids, kas pīvalk. Kod Ludzys azari apstaiguoti i puorbaudeits, ka piļsdrupys iz vītys, nūteikti var garšeigi sevi palutynuot picerejā Astotais Rajons. Pi jūs vysod gordi!

Voi zīpis vysod ir švaki?

Šūnedeļ, 17. februarī, 19.00 Rēzeknis kulturys nomā nūteik pasuokums “Ziepes”, kurū reikoj platforma LATGALACTICA. Mes i ari cyti dalinīki – prīsters Guntars Skutels i dramaturge Ludmila Ruoziņa – pastuosteis par sovu pīredzi attīceibuos i ap cytu attīceibom. Na vysod zīpis nūzeimoj nazkū švaku – partū prīcuosimēs tevi redzēt apmaklātuoju vydā. Beletus iz pasuokumu vari nūpierkt ITE.

Muoksla Daugovpilī

Daugovpiļs ir taida nasaprūtama piļsāta – kaiba ir nazkaids nūslāpums. Nūteikti īsokam pagasteit Marka Rotko muokslys centrā i Daugovpiļs cītūkšņa teritorejā. Tī asūt, rūnās sajiuta – piļsāta piļsātā. Cītūkšņa teritorejā ir breineigs mozs puortykys veikaleņš – tī sajiuta kai bierneibā. A piec mokslys paēst i atsapyust var Ezītis Miglā – forša apkolpuošona i gordi.

Foto: Māris Grunskis
Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]