10 dzīsmis ap volūdu

10 dzīsmis ap volūdu

Rokstu sagataveja: portals lakuga.lv

Svietejūt Storptautyskū dzymtuos volūdys dīnu, 21. februara skaņu celeņam pīduovojam dzīšmu izlasi par latgalīšu volūdu. Dzīšmu izlasē Ingara Gusāna, Arņa Slobožanina, Artūra Uškāna, Normunda Zuša, Kārļa Kazāka i cytu muziķu dzīsmis ar dažaidu autoru vuordim.

1. Patrioti.lg – Tāva volūda

Dzīsmis autors ir Artūrs Uškāns i tei ir nu grupys “Patrioti.lg”, kurā apsavīnuojuši Artūrs Uškāns i Jurs Ostrovskis, 2012. godā izguojušuo albuma “Latgaleite”.

2. Sovvaļnīks – Vosoruošonai

Dzīsme “Vosoruošonai” ir veļtejums latgalīšu volūdys školuotuoju kursim “Vosoruošona”, dzīsmis vuordu autore Līga Rundāne, bet muzykys autors Ingars Gusāns. Dzīsme pyrmū reizi publicāta grupys “Bez PVN” debejis albumā “Pyrms vuorda…”, kas izguoja pošā 2006. gods golā.

3. “Baltie lāči” – Skaidra volūda

Vīnu nu Latgolys himnu – dzīsme ar Annys Rancānis vuordim i Eugeņa Karūdznīka (eistajā vuordā Eugenijs Ruško) muzyku. Dzīsme pyrmū reizi izskanēja 1991. goda Latgolys televizejis muzykys festivalā. Tūlaik televizejis festivalā dzīsmi izdzīduoja Andris Baltacis, kurū niu mes zynim kai grupys “Baltie lāči” dalinīku, i Aleksandrs Zeimuļs-Priževoits, kurs vaira pazeistams tyka ar Alekša lūmu Juoņa Streiča kinā “Cilvēka bērns”. Vaira par dzīsmi var izzynuot ITE.

4. “Ginc un Es” – Munā volūdā

Dzīsmis muzykys autors ir Gints Ločmelis, bet vuordu autore Ineta Atpile-Jugane. Gints Ločmelis, muzykys autors i izpiļdeituojs, atzeist, ka dzīsme ir par lītom, kurys ir mums apleik – vīta, kurā mes dzeivojam, volūda, kaidā mes runojam, i myusu dorbi, kas padora myus stypruokus.

5. Arnis Slobožanins – Puosoka

Dzīsmis muzykys autors Arņs Slobožanins, bet vuordu autors – Ontons Slišāns. Dzīsmis muzykys autors Arņs soka: “Ontona Slišāna vuordi, kurus najauši atrodu škārsteiklā, pa munam, stuosta par tū, ka vyss, kū dorom ci rodom, nazkod jau ir bejs. Mes viņ vēļreiz i vēļreiz atsagrīžam pi tuo, kū cyti reiz raudzejuši paviesteit. Saprūtams – kotram ir sovs ceļš i kotram ir sovs unikalais stuosts. Tys ir kai šaha spēlē – figurys tuos pošys, a kombinacejis ir naizsmeļamys.” Dzīsme ir nu Arņa Slobožanina pyrmuo solo albuma “Pasamūds puosokā”.

6. Tihovsku saime – Olūteņam

Dzīsmis muzykys autore ir Rasma Kulamova, bet vuordu autore dzejneica Emileja Kalvāne. Dzīsmis vuordi topuši kai veļtejums Reigys latgalīšu bīdreibys “Trešō zvaigzne” sadzeivis dzīšmu ansambļam “Olūteņš”.

7. Kārlis Kazāks i “Latgalīšu Reps” – Bolta lopa

Dzīsme nu Kārļa Kazāka TV raidejumu cykla “Dzirdi balsis ar Kārli Kazāku”, kas veļteits latvīšu volūdai i tuos dažaideibai. Dzīsme volūdā, kas skaņ Ludzys apleicīnē.

8. Uškānu saimis ansamblis – Patrioti (Ai pagali pa pakali)

Dzīsmis muzykys i vuordu autors ir Artūrs Uškāns, dzīsme nu apvīneibys “Patrioti.lg” pyrmuo albuma “Daugaveņa”.

9. Aņss Ataols Bierzeņš – Es vairs tanī valodā nerunāju

Dzīsmis vuordu i muzykys autors Aņss Ataols Bierzeņš. Dzīsmis vuordi daīmami sātyslopā http://ansis.lv/songs.lv.php.

10. “Galaktika”, Dainis Skutelis, Rēzeknis Zaļūs pakolnu kors – Kod Latgola sasadūs rūkuos

Dzīsmis muzykys autors Normunds Zušs, bet vuordu autore Leontīne Apšeniece.

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]