Aņša Ataola Bierzeņa dzīsmei “Pasaver” izguojs videoklips
![Aņša Ataola Bierzeņa dzīsmei “Pasaver” izguojs videoklips](https://www.lakuga.lv/wp-content/uploads/2023/02/1000-667-lakuga-pamatbilde-2023-02-24T092556.312-1000x667-c-default.jpg)
Rokstu sagataveja: portals lakuga.lv
Dzīšmu autoram i izpiļdeituojam Aņšam Ataolam Bierzeņam, kurs zynoms i kai folklorys kapelys „Maskačkys spieļmani“ vadeituojs, izguojs juo dzīsmis „Pasaver“ videoklips.
Kai viestej Aņss Ataols Bierzeņš, itei dzīsme, kai i cytys autora kompozicejis, dzīduota garmanis pavadejumā, a araņžejumā īvadynuoti i cyti instrumeņti. Dzīsmē stuosteits ap vierteibom, kurys bārnam dūd i dzymdynuotuoji, i apleicejī ļauds. Jū varātumem saukt par pavuiceibu dālim īsavērt i mīļuot pasauli. Deļtam klipā nūsajāmuši i vysi treis Aņša dāli – Mikeļs, Izidors i Onupris.
Dzīsmis vuordi atrūnami A.A.Bierzeņa sātys lopā: ansis.lv.