Rēzeknis Muzykys vydsškolys Tradicionaluos muzykys nūdaļa 10 godu jubileju svieteis ar koncertu

Rēzeknis Muzykys vydsškolys Tradicionaluos muzykys nūdaļa 10 godu jubileju svieteis ar koncertu

Rokstu sagataveja: portals lakuga.lv

Ituo gods 10. martā 18 stuņdēs Juoņa Ivanova Rēzeknis Muzykys vydsškolā (JIRMV) izskanēs izgleiteibys programys “Tradicionālā mūzika” 10 godu jubilejis koncerts. Kai stuosta nūdalis vadeituoja i ari vīna nu grupys “Muosys” dalineicu Liene Brence, jubilejis koncerts byus kruosains i paruodeis vysaiduokys tradicionaluos muzykys škautnis.

Juoņa Ivanova Rēzeknis Muzykys vydsškolys (JIRMV) programa “Tradicionālā mūzika” ir vīneiguo vuiceibu programa Latvejā, kur vydsškolys leiminī teik vuiceita tradicionaluo muzyka. Nūdalis vadeituoja Liene Brence izsoka lelu pateiceibu bejušajim i asūšajim nūdalis pedagogim – Ievai Nīmanei, Aigai Bokanovai i nūdalis vadeituojim, kai Ērikam Zepam, i cytim par jūs sirds dorbu. “Daudzi pedagogi vairuoku godu garumā ir braukuši ari nu Reigys, kab struoduot ar jaunīšim. Bez pošu interesis dīz voi mes byutu tykuši leidz taidai nūzeimeigai jubilejai – 10 godim. Grybu pasasaceit tūreizejai školys direktorei Sandrai Mežorei par ideju un apjiemeibu eistynuot Latvejā vēļ nabejušu programu, jei beja sūpluok nūdalis izveidis šyupeļam,” stuosta Liene Brence.

Liene stuosta, ka itūs godu laikā nūdaļa ir organiziejuse sasadzīduošonys pasuokumus, vakariešonys i daņčus. Ka suokumā pasuokumi tyka reikuoti uorpus školys, pādejūs godūs tei īvīsta kai tradiceja JIRMV vydā. “Školā ir cīši aktivs dzeivis un koncertu ritms, myusu audziekni pīsadola konkursūs kai Latvejā, pīmāram, “Dziesmu dziedu kāda bija”, “Klaberjakte”, tai ari uorzemēs i gūdam puorstuov JIRMV Tradicionaluos muzykys nūdaļu,” tai Liene.

Liene ari dasoka, ka JIRMV var lapnuotīs ar sovim absolventim, nu kurūs daudzi ari itūšaļt ir školys pedagogi, pīmāram, Diāna Logina i Aleksandrs Maļkevičs. “Itūšaļt aktivi dorbojās i veidoj dažaidus pasuokumus ari myusu absolvente Kate Slišāne kūpā ar sovu saimi Upītis kulturtelpā, kas ir īkļauta Namaterialuos kulturys montuojuma sarokstā. Myusu absolventi studejis turpynoj na tik Latvejā, tok ari uorpus tuos. Pīmāram, Liene Skrebinska studej Tallinā. Jei Tradicionaluos muzykys nūdaļu puorstuovēja JIRMV 90 godu koncertā Latgolys viestnīceibā GORS ar breineigu kūklis i bolsa saskaņu dzīsmē “Tymseņš guoja”,” stuosta Liene Brence.

Liene ari stuosta, ka Tradicionaluos muzykys nūdalis koncerts byus kruosains i paruodeis vysaiduokys tradicionaluos muzykys škautnis. “Audziekni sasaspielēs i sasadzīduos kūpā ar sovim pedagogim. Myusu nūdalis pedagogi ari poši ir breineigi izpiļdeituoji – pīmāram, multiinstrumentalists, folklorys draugu kūpys (vacuokuo grupa) “Vīteri” vadeituojs Aleksandrs Maļkevičs, akordeoniste, kapelys “Dziga” vadeituoja Dace Baltkāje, kūklātuoja Laima Jansone, i es vejūļneica i nūdalis vadeituoja.”

Piec koncerta byus daņči, kur vysi varēs izaprīcuot i izadoncuot.

Print Friendly, PDF & Email

Nūtikšonu kalendars

Sep
24
Svā
all-day Maguonis Boleiko izstuode “Biotops” @ Latgolys viestnīceiba "Gors"
Maguonis Boleiko izstuode “Biotops” @ Latgolys viestnīceiba "Gors"
Sep 24 all-day
Leidz 24. septembram Latgolys viestnīceibys “Gors” Muokslys galerejā tiks eksponāta muokslineicys Maguonis Boleiko izstuode “Biotops”, kas aicynoj muokslys baudeituojus vāruot apbreinojamūs dobys procesus, tuos nabeidzamuos transformacejis formuos, kruosuos i byuteibā. Izstuodē “Biotops” muokslineica izsoka apbreinu[...]
12:00 Koncerts “Harmonijs atgriežas ba... @ Augustovys Romys katuoļu bazneica
Koncerts “Harmonijs atgriežas ba... @ Augustovys Romys katuoļu bazneica
Sep 24 @ 12:00 – 15:00
24. septembrī 12.00 stuņdēs Augustovys Svātuos Elizabetis Romys katuoļu bazneicā nūtiks Svātuo Mise, piec kurys sekuos koncerts ”Harmonijs atgriežas baznīcā”. Pīsadaleis dzīdūšuo Kišu saime nu Rēzeknis. Īīšonys moksa koncertā: zīduojums.
16:00 Andra Baltača monoizruode “Muzik... @ CATA kulturys noms
Andra Baltača monoizruode “Muzik... @ CATA kulturys noms
Sep 24 @ 16:00 – 17:30
“Vaira nakai treis godu desmitus, muzicejūt i pīsadolūt ļaužu gūdūs i svineibuos, pīdzeivuotys vysaiduokys nūtikšonys cīši plašā emoceju amplitudā – nu kuriozu situaceju leidz smeļdzeigai osorai. Ar laiku tuos folklorizejās, boguotynojās ar izskaistynuojumim i puortūp[...]