Rokstu sagataveja: portals lakuga.lv

11. martā tyka atkluota LKA Latvejis Kulturys koledžys studentu organizāta fotoizstuode “Jauna elpa”, kuruos īdvesmis olūts beja grupys “Bez PVN” dzīsme “Jau ni mes”, informej tuos organizatoris Zanda Stabiņa i Karīna Patmalniece.

Teik plānuots, ka izstuodi varēs apsavērt vysaiduos Latvejis vītuos leidz pat 2023. gods beigom. Niu leidz 28. martam tei apsaverama Volūdu sātā (Valodu mājā), Reigā, Olūtu (Avotu) īlā 33. Informaceja par nuokušajom vītom laika gaitā tiks izziņuota fotokonkursa i izstuodis “Jauna elpa” socialajūs medejūs Facebook i Instagram.

Fotoizstuodi “Jauna elpa” veidoj 15 dažaidu autoru fotografejis, kas radeitys 2023. gods februarī reikuotuo fotokonkursa laikā. Kab tymā pīsadaleitu, dalinīkim kai īdvesmis i ideju olūts beja juoizmontoj latgalīšu grupys “Bez PVN” dzīsme “Jau ni mes”.

Par lobuokajim 15 dorbim tyka atzeiti i izstuodē īkļauti itaidi dorbi: Agnese Skangale “Svaiguma garša”, Andis Stefanovičs “Aiz mūra”, Arvīds Gļauda “Mirkls pārdomām”, Brigita Birkova “Gaismas ceļš”, Emīls Siliņš “Sasatykuš’ vīnys upis moluos”, Jānis Ābelītis “Gaismas ātrums”, Jānis Patmalnieks “Dīnys suokums”, Jolanta Gaveika “Ceļš uz nākotni”, Karim “Redzeigais verās”, Kristiāns Jurevičs “Dzīve ir mirklis”, Monta Biezā “Liktenīgais smēliens”, Patrīcija Bartuseviča “Divpadsmit ragi”, Pēcs Rudens “Ceļos maldos”, Rainers Brutāns “Ilgāk jauni”, Renāte Celma “Laika ritums”.

Žurejis komiseja vysaugšuok nūviertēja itūs dorbus:

Galerejā – izstuodis atkluošonys pasuokums. Foto autore: Ketija Keita Krastiņa.