Studentus aicynoj konkursam “Valoda – mana iespēja!” īsyuteit dorbus latgaliski

Studentus aicynoj konkursam “Valoda – mana iespēja!” īsyuteit dorbus latgaliski

Rokstu sagataveja: portals lakuga.lv

Storptautyskais volūdu uzjāmums “Skrivanek Baltic” organizej eseju konkursu “Valoda – mana iespēja!”, viestej publiski daīmamuo informaceja. Daleibai konkursā ir aicynuoti pīsasaceit Latvejis augstškolu bakalaura i magistra studeju programys studenti. Konkursa mierkis ir veicynuot studentu interesi par latvīšu i latgalīšu volūdu i vairuot itūs volūdu prestižu.

Kab vairuotu latvīšu i latgalīšu volūdys prestižu jaunuotnis vydā, kai ari veicynuotu studentu interesi par dzymtuos volūdys i latgalīšu rokstu volūdys nūzeimi jūs tuoluokajā dzeivē i karjerā, volūdu pakolpuojumu uzjāmums “Skrivanek Baltic” reikoj eseju konkursu “Valoda – mana iespēja!”. Sovus konkursa dorbus studenti ir aicynuoti īsnēgt leidz 3. apreļam ITE.

Konkursa pyrmajā kuortā nu vysu īsyuteitūs dorbu reikuotuoji atlaseis 50 lobuokuos esejis, kurys nūdūs profesionalys žurejis izviertiešonai, kai ari publicēs tuos sovā škārsteikla lopā, kur nu 14. apreļa leidz 26. apreļam kai konkursa dalinīki, tai ari cyti interesenti varēs bolsuot par interesantuokū eseju, kurys autors finalā sajims skaiteituoju simpateju bolvu.

Konkursa ūtrajā kuortā kompetentuo žureja, kuru veidoj volūdu pakolpuojumu uzjāmuma “Skrivanek Baltic” latvīšu i latgalīšu volūdys eksperti, nu 50 atlaseitūs eseju izavielēs vīnu uzvarātuoju, ryupeigai izviertejūt dorbus treis kategorejuos – atbiļsteiba tematam, volūdys lītuojums, rodūšums i originalitate.

“Asam nūvāruojuši, ka myusu dīnuos jaunīšim ir leluoka gribiešona i puosokaini daudz vareibu runuot i izapaust, pat dūmuot angļu volūdā, partū ar eseju konkursu gribim atguodynuot studentim par latvīšu i latgalīšu volūdys skaistumu i boguoteibu cytu Eiropys volūdu kontekstā, motivejūt kai rodūši, tai akademiski struoduot taišni sovā dzymtajā volūdā, lapnuotīs ar tū! Mes, “Skrivanek Baltic”, asam puorlīcynuoti, ka kū vaira volūdu cylvāks prūt, tū boguotuoks ir juo īškejais pasauļs i vys vīgļuok jam dzeivē byus atrast nūdarbi, kas atbylstu juo interesem i kaisleibom. Tok poša golvonuo vysod byus dzymtuo volūda, bolstūtīs kurā mes pīduovojam jaunīšim suokt sovu lingvistiskuos izcileibys ceļu,” nūruoda “Skrivanek Baltic” direktors Vasilijs Ragačevičs.

Konkursa laureati tiks paziņuoti konkursa nūslāgumā tīšsaistē “Zoom” platformā 2023. gods 27. aprelī. Konkursa uzvarātuojs tiks apbolvuots ar golvonū bolvu – planšetdatoru “Apple iPad 10.9″ Wi-Fi 64GB (10th Gen)”, bet simpateju bolvys sajiemiejs tiks pi “Skrivanek Baltic” direktora Vasilija Ragačeviča pasnāgtuos naudys bolvys 200 eiro apmārā.

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]