Vareiba īpazeit vysaiduoku omotu prasmis akcejā “Satiec savu meistaru”

Vareiba īpazeit vysaiduoku omotu prasmis akcejā “Satiec savu meistaru”

Rokstu sagataveja: portals lakuga.lv

Nu 31. marta da 2. apreļa sevkuram interesantam ir vareiba apmeklēt vaira nakai 250 vysaiduoka veida omotu meistarus i īsasaisteit praktiskuos nūdarbeibuos, meistarklasēs i lekcejuos. Akcejis “Satiec savu meistaru” mierkis ir radeit interesi, izpratni i sabīdreibys leidzdaleibu myusu namaterialuo kulturys montuojuma saglobuošonā, viestej Latvejis Nacionaluo kulturys centra sabīdryskūs attīceibu vadeituoja Linda Ertmane.

Ausšona, adeišona, metalapstruode, kūkapstruode i kulinareja, tuos ir viņ dažys nu jūmu, ar kurom ari itūgod teik aicynuots īpasazeit sevkurs interesents. Vysūs Latvejis nūvodūs – Kūrzemē, Vydzemē, Zemgalē, Latgolā i ari Sielejā gostūs gaideis vaira nakai 250 meistaru 223 nūrisis vītuos ar vaira nakai 300 vysaiduoka veida nūdarbeibom.

Latvejis Nacionaluo kulturys centra tautys lītiškuos muokslys eksperte Linda Rubena stuosta: “Prīcynoj tys, ka itū godu garumā ir nūvāruota leluoka sabīdreibys interese par myusu kulturys montuojumu i teik pīsaisteiti vys jauni dalinīki kai tautys lītiškuos muokslys studejuos, tai ari folklorys kūpuos. Vysu leluokais paļdis tim, kuri pīsadola kai meistari, sovuos prasmēs rūn jaunys idejis i pīejis tam, kai par tom pastuosteit cytim. Taipoš lels paļdis tim, kuri koordinej pasuokuma nūrisi nūtikšonu vītuos. Ituos meistaru dīnys ir kai naleli svātki meistareibai, tradicejom i tūs saglobuošonai nuokušajom paaudzem.”

Latgolā akcejā “Satiec savu meistaru” byus vareiba pīsadaleit vaira nakai 30 meistarklasēs, tymā storpā ari etnografiskūs tautys tārpu izšyušonā, zeču i cymdu adeišonā, ausšonā, latvīšu folklorys īpazeišonā, ari Latgolai rakstureigūs iedīņu gataveišonā. Vysu plašū akcejis pīduovuojumu meklej kartē ITE.

Karteņa: pierļu grūbu vuoriešonys meistarklase ar saimineicu Viju Kuļšu. Latgolys Turisma asociacejis arhivs.
Karteņa: pierļu grūbu vuoreišonys meistarklase ar saimineicu Viju Kuļšu. Latgolys Turisma asociacejis arhivs.
Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]