Rēzeknē nūtiks mozuok lītuotajom i regionalajom volūdom veļteits storptautysks seminars

Rēzeknē nūtiks mozuok lītuotajom i regionalajom volūdom veļteits storptautysks seminars

Rokstu sagataveja: portals lakuga.lv

Nu 1. da 4. maja Rēzeknē nūtiks storptautysks seminars “Mozuok lītuotūs volūdu dokumentiešona izgleiteibys vajadzeibom”, kuru organizej latgalīšu kulturys kusteiba “Volūda”. Seminarā pīsadaleis lektori nu Pūlejis, Niderlandis, Igaunejis i Latvejis augstškolu, zynuotnyskūs instituceju i navaļstiskūs organizaceju. Seminara dalinīki daleisīs pīredzē i nūvāruojumūs regionalūs i mozuok lītuotūs volūdu dokumentiešonā, izgleiteišonā i vuiceišonā, kai ari volūdu saglobuošonā i atdzeivynuošonā. Interesentim ir vareiba seminarā pīsadaleit kai klauseituojim.

Seminarā “Mozuok lītuotūs volūdu dokumentiešona izgleiteibys vajadzeibom” tiks apsavārti taidi temati kai kūpīnu attīksme pret volūdu standartizaceju, dažaidu digitalūs reiku, pīmāram, volūdys korpusu pīduovuotuos īspiejis volūdu vuiceišonā, taipoš lektori pīsaskars problemom, ar kurom juosasastūp, vuicūt mozuok lītuotuos volūdys i regionaluos volūdys i izstruodojūt vuiceibu materialus. Prezentacejis byus veļteitys taidu volūdu kai lībīšu, dzūku, lucu, greko, jaunnorveģu, i, prūtams, latgalīšu volūdys situacejai i problematikai.

Storptautyskais seminars nūtiks nu 1. da 4. maja Rēzeknē, Latgolys Kulturviesturis muzeja telpuos (Atbreivuošonys aleja 102). Interesenti, kuri gribēs seminarā pīsadaleit kai klauseituoji, ir aicynuoti registrētīs daleibai, aizpyldūt anketu ITE. Interesenti, kuri gribēs seminarā pīsadaleit kai klauseituoji, ir aicynuoti registrētīs daleibai da 27. apreļa. Seminara dorba volūda ir angļu volūda, programa daīmama ITE.

Seminars “Mozuok lītuotūs volūdu dokumentiešona izgleiteibys vajadzeibom” ir vīna nu projekta “Mozuok lītuotuos volūdys, leluos īspiejis. Sadarbeiba pietnīceibā, kūpīnu īsaisteišona i inovativi vuiceišonuos reiki – COLING, Nr. 778384” (Minority Languages, Major Opportunities. Collaborative Research, Community Engagement and Innovative Educational Tools — COLING, Nr. 778384) aktivitašu.

Pasuokuma organizators latgalīšu kulturys kusteiba “Volūda” (bīdreiba “LgSC”) dorbojās nu 2005. gods, i tuos mierkis ir popularizēt latgalīšu volūdu, veicynuot lītuojuma pīaugumu i volūdys atteisteibu.

Kalenders

Apr
25
Pīk
09:00 “Satiec savu meistaru 2025” @ Latgola
“Satiec savu meistaru 2025” @ Latgola
Apr 25 @ 09:00 – Apr 27 @ 16:00
Jau 17. reizi aprelī vysā Latvejā nūteik kasgadejais pasuokums “Satiec savu meistaru!”, kura laikā sevkurs interesents ir aicynuots dūtīs pi meistaru īpazeit i paraudzeit vysaidys tradicionalūs omotu prasmis.   Vaira par nūtikšonom Latgolā var izzynuot[...]
Apr
26
Sai
11:00 Sasatikšona ar Juoni Pampi @ Kuorsovys kulturviesturis centrys "Līču mājas"
Sasatikšona ar Juoni Pampi @ Kuorsovys kulturviesturis centrys "Līču mājas"
Apr 26 @ 11:00 – 12:30
Sasatikšona ar Juoni Pampi @ Kuorsovys kulturviesturis centrys "Līču mājas"
14:00 Rotko muzeja kruojuma izstuodis ... @ Ventspiļs Livonejis ordiņa piļs
Rotko muzeja kruojuma izstuodis ... @ Ventspiļs Livonejis ordiņa piļs
Apr 26 @ 14:00 – 15:00
Izstuodē apsaverami Silvys Linartis, Ilzis Volontis, Mārītis Klušys, Dacis Pudānis, Ilonys Linartis-Ružys, Annys Grinčukys (Latveja), Barbarys Gailis (Latveja, Fraņceja), Petrys Heitketeris (Petra Heitkötter, Vuoceja), Karo Jostys (Caro Jost, Vuoceja), Martina Fosvinkela (Martin Voßwinkel, Vuoceja), Izabelys[...]