Rokstu sagataveja: portals lakuga.lv

Itūreiz ar pavasareigim īsacejumim doluos Rēzeknis nūvoda Lūznovys pogosta īdzeivuotuojs, kuram dzeive vys tik vaira saisteita ar Maltu, aba Dj Guntix. Byudams praktisks cylvāks, jis īsoka nalaist garum vītejūs duorgumus, sasagataveit sezonai, tok atrast laiku ari izstuodis apmekliešonai.

Buļbu teiruma duorgumi

Īsoku proskrīt ar viereigu aci pa pārņ izroktū buļbu teirumu. Pārņ rudinī, piec nūkuļtiviešonys varēja vēļ kaidu maisu buļbu salaseit, tok niu, pavasarī, cikom nav aports, var pameklēt, varbyut kaidam tolcuonam, rūkūt, kaida pūga nu bindzuka iztryukuse.

Byut gotovam sezonai

Laiceigi juopuorskaita atlykušī bareibys i pakaišu kruojumi. Lai nasaīt tai, ka da ganeibu sezonys suokuma datryukst sīna ci solmu. Ka vysa pītiks, gūvs tū nūviertēs!

Pagasteit Maltys viesturis muzejā

Kod buļbu teirums apsekuots, bareibys i pakaišu kruojumi podskaiteiti, var ar mīreigu sirdi i muokslai ar kulturu pīsavērst. Īsoku aizīt iz Maltys viesturis muzeju i apsavērt muokslineicys Gitas Palmas gleznu izstuodi “Starp stacijām”.