Rakstnīceibys i muzykys muzejs Rēzeknē organizej diskuseju ar performanci

Rakstnīceibys i muzykys muzejs Rēzeknē organizej diskuseju ar performanci

Rokstu sagataveja: portals lakuga.lv

25. aprelī 17.00 Latgolys viestnīceibā “Gors” Rakstnīceibys i muzykys muzejs (RMM) aicynoj iz jaunīšu jaunradis dorbu performanci i diskuseju par jaunradi, jāgpylnu nadareišonu, dareišonu i lobbyuteibu, informej muzeja puorstuovi. Puorrunojūt Ingys Ābelis, Alda Bukša, kai ari Latgolai i Latvejai viesturiski nūzeimeiguos personeibys – Fraņča Trasuna – dzeivis aspektus, diskusejā tiks apsavārti nūzeimeigi radeitspiejis i lobbyuteibys aspekti Latvejis rakstnīceibā i muzykā viesturiskajā i laikmeteigajā vidē. Pasuokums teik reikuots sadarbeibā ar Latgolys viestnīceibu “Gors”.

Diskusejā pīsadaleis rakstnīki Inga Ābele i Aldis Bukšs, komponists, muziks i skaņu dizainers Jēkabs Nīmanis, rakstneica, dzejneica i dramaturge Agnese Rutkēviča, režisore Liena Šmukste i Rēzeknis vydsškolu jaunīši. Diskuseju vadeis Liega Piešiņa.

Performancis autori – Rēzeknis vydsškolu jaunīši – meistardarbneicuos, īsadvasmojūt nu dzejnīka i tulkuotuoja Mariana Rižija (Māra Salēja) jaunatkluotuo Eduarda Veidenbauma 77. dzejūļa, padzilinuotai analizēs Veidenbauma montuojumu, izapauss jaunradē (tekstrade, skaņveide, dzejis i muzykys mejīdarbeiba), struoduos komandā i aplīcynuos publiskys uzastuošonys prasmis. Darbneicys vadeis komponists Jēkabs Nīmanis, dzejneica Agnese Rutkēviča i režisore Liena Šmukste.

“Koncertzālei “Gors” nuokušuo nedeļa byus eipaša. Tuos golā pyrmizruodi pīdzeivuos dzīšmuspēle “Trasuns. Fabulas”. Tuos muzykys autori, komponisti Platons Buravickis, Orests Silabriedis, Ernests Mediņš, Sniedze Prauliņa, Ieva Parša i izvaduma rodūšuo komanda atkluos Fraņča Trasuna fabulu morali, kas, kai izaruoda, ir aktuala ari myusu dīnuos. Taidā veidā Rakstnīceibys i muzykys muzeja aktivitatis sasasauks ar koncertzālis 10. godadīnys jubilejis nūtikšonom,” stuosta “Gora” Muokslinīcyskuos i pasuokumu nūdalis vadeituoja Ilona Rupaine.

Rakstnīceibys i muzykys muzejs itūgod aizsuoc sovys symtgadis svieteišonu #RMM100 ar izgleitojūšu diskuseju programu “Rakstniecības un mūzikas muzeja vēstniecību atklāšana Latvijas reģionos”. Leidz muzeja symtgadei plānuots organizēt četrus RMM viestnīceibu pasuokumus godā, vys paplašynojūt sadarbeibys partneru lūku i atpazeistameibu. Itūgod izvālātuos piļsātys ir Valmīra, Rēzekne, Dūbele i Līpuoja. Tūpūšuos ekspozicejis “Prokrastinācija un radīšana” symts personeibu literaturā i muzykā saknis i dzeive pavysam nūteikti saisteitys ar Latvejis kulturviesturiskajim nūvodim, partū tyka izvālātys ituos piļsātys i partneri.

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]