Aicynoj atkluot Latgolys plotumus “Latgolys Puorguojīņu dīnuos 2023”

Aicynoj atkluot Latgolys plotumus “Latgolys Puorguojīņu dīnuos 2023”

Rokstu sagataveja: portals lakuga.lv

Jau pārņ Latgolā tyka pabeigta garūs puorguojīņu maršruta “Ezertaka” aba “Azaru styga” markiešona, i niu sevkuram interesentam ir vareiba dūtīs pastaiguot pa Latgolu aptyvai 1107 km garumā, sekojūt bolti-zali-boltom nūruodem iz dobys objektim i ceļa zeimem. “Ezertaka” ir sadaleita deveņūs garajūs pūsmūs, kuru izīšonai vajadzeigys vairuokys dīnys, i 46 eisuokūs pūsmūs, kurūs var izīt vīnys dīnys laikā (pūsmu karte ITE). Kai informej Latgolys Turisma asociaceja, itūgod puorguojīņu entuziasti teik aicynuoti īsasaisteit aizraunūšā pīdzeivuojumā – Latgolys Puorguojīņu dīnuos – ostoni puorguojīni ostoņuos vītuos Latgolys regionā.

Īspiejams, lobuokī vosorys pīdzeivuojumi suocās taišni Latgolys “Ezertakā” – ar taidu saukli Latgolys Turisma asociaceja aizsuoc jaunu pasuokumu cyklu Latgolys Puorguojīņu dīnys. Aktivūs puorguojīņu entuziasti, taipoš kai mīreiguos sūļūšonys pīkritieji teik aicynuoti pīsadaleit ostoņūs puorguojīņūs ostoņuos vītuos Latgolā.

Kūpā tiks izīti vairuoki “Ezertakys” pūsmi, ar zynūšim stuostnīkim byus vareiba dazynuot interesantus faktus par maršruta pūsmūs asūšajim vidis i cylvāku radeitajim objektim, baudeit Latgolys mīrpylnū dobu i svaigū gaisu. Asūt Latgolā, naatjemama sastuovdaļa ir ari latgalīšu volūda, deļtam puorguojīņu cykla moto ir #ĪmamLatgolā.

Vysūs puorguojīņūs byus vairuoki grupu vadeituoji, dalinīkim tiks nūdrūsynuota vareiba izmontuot bezmoksys transportu storp starta i finiša punktim. Daleiba puorguojīņūs ir bez moksys, atseviškūs gadīņūs byus vareiba īsaguoduot syltys pušdīnis.

Puorguojīni paradzāti:

20. majā
Ludzys nūvods. Pyldys-Nierzys azars, maršruta garums apmāram 26 km.

28. majā
Bolvu nūvods. Balkanu kolni-Baļtinova, maršruta garums apmāram 25 km.

11. junī
Augšdaugovys nūvods i Sieleja. Zemgale-Madums, maršruta garums apmāram 20 km.

17. junī
Rēzekne i tyvejuo apleicīne. Kovšu-Rāznys azars, maršruta garums apmāram 22 km.

22. julī
Preiļu nūvods. Pelieču azara styga-Gelenovys parks, maršruta garums apmāram 19 km.

30. julī
Rēzeknis nūvods. Teirumnīku pūra styga-Īdeņa, maršruta garums apmāram 17 km.

19. augustā
Ludzys nūvods. Pasīne-Vacsloboda, maršruta garums apmāram 26 km.

1. oktobris
Kruoslovys nūvods. Breivdīnu sāta “Papeles”-Jaundūmis muiža, maršruta garums apmāram 20 km.

Registraceja pyrmajam puorguojīņam daīmama ITE. Detalizātuoka informaceja par kotru puorguojīņa pūsmu, sasatikšonys vītu i laiku tiks izsyuteita nedeļu pyrma pasuokuma iz e-postu, kurū dalinīki byus nūruodejuši registrejūtīs. Dalinīku skaits puorguojīņūs ir īrūbežuots.

Print Friendly, PDF & Email

Kalenders

Apr
15
Pyr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 15 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
Apr
16
Ūtr
12:00 Izruode “Spreideits” @ Daugovpiļs teatris
Izruode “Spreideits” @ Daugovpiļs teatris
Apr 16 @ 12:00 – 13:00
Pyrmū reizi nu teatra skotuvis puosoku luga „Sprīdītis” izskanēs latgaliski! Izruode ir paradzāta kai tim, kurim latgalīšu volūda ir dzymtuo, tai tim, kurim gribīs tū lobuok īpazeit, jo Spreideiša laimis mekliejumi ir labi zynomi i[...]