Bruoli muziki Jurgis i Mārcis Lipski, Breivvaļsts duorgumu noms i bieržgalīte Daila Ekimāne – stuosti jaunajā žurnalā “A12”

Bruoli muziki Jurgis i Mārcis Lipski, Breivvaļsts duorgumu noms i bieržgalīte Daila Ekimāne – stuosti jaunajā žurnalā “A12”

Rokstu sagataveja: portals lakuga.lv

Izguojs žurnala “A12” augusta/septembra numers i tymā var puorskaiteit sarunys i stuostus par muzikim bruolim Jurgi i Mārci Lipskim, sporta komentātuoju Anatoliju Kreipānu, latgalīšu rokstu volūdys specialisti Muoru Mortuzāni-Muravsku, dizaineri Aigu Vaitkus, muokslinīku Andri Kalininu i cytim.

Žurnals “A12”, kas ir vīneigais žurnals, kas viestej par Latgolys ļaudim i jūs stuostim, redaktore Ināra Groce ituo numera īvodā soka, ka pīdzeivuot plotu emoceju i īspieju spektru var tepat iz vītys Latgolā i Latvejā, ari mozuos nūtikšonuos sev sūpluok, var īpazeit apleicīni, kuojom īmūt, kod pruots dorbojās cytaiži i apleicejais pasauļs teik tai eistyn pamaneits. Redaktore atguodynoj, ka dzeivis rezultats ir par izvēlem, kurys izdoram kotru dīnu.

Žurnala “A12” augusta/septembra numerī skaitit:

  • kars Ukrainā turpynojās – i turpynojās ari bīdreibys “Tev” organizātuo paleidzeiba ukraiņu armejai i slimineicom. Par pīdzeivuotū i puordzeivuotū Ingus Ostrovska i Mika Dubura stuostejumā;
  • kai sporta spēļu aizkadrim gatavejās komentātuojs, Daugovpilī dzymušais Anatolijs Kreipāns;
  • bruoļu Jurģa i Mārča Lipsku dzeive muzykā;
  • “Breivvaļsts duorgumu noma” tapšonys stuosts, saruna ar tuo dizaineri Aigu Vaitkus i vadeituoju Jolantu Leitāni;
  • vīnys kruosys vierteiba – muokslinīka i scenografa Andra Kalinina talantu izpausmis;
  • cytus aizraunūšus stuostu ap Latgolu.

Kai īrosts žurnalā “A12” puorskaitoma ari portala lakuga.lv sagataveituo informaceja par jaunumim latgaliskūs gruomotu i muzykys izdavumu laukā, kai ari vysu rokstu vydā ari portala lakuga.lv redakcejis komandys taiseitī stuosti – itūreiz ar Vaļsts volūdys centra lingvisti, latgalīšu rokstu volūdys specialisti Muoru Mortuzāni-Muravsku i ar muokslinīku Andri Kalininu sasarunoj lakuga.lv redaktore Laura Melne.

Žurnals “A12” ir vareiba jau vaira nakai 10 godus izzynuot par dzeivi i ļaudim Latgolā i pasaulī, puorskaiteit dažaidus dzeivisstuostus, pīsadaleit viesturiskūs ceļuojumūs laikā i telpā, kai ari byut atkluojumu i puordzeivuojumu dalinīkim. Žurnals izīt 6 reizis godā. Kab atbaļsteitu žurnala byušonu ari iz prīšku, aicynojam abonēt. Jaunuokū žurnala numeri var nūpierkt (kai digitalā, tai taustomā veidā) ite: a12.lv.

Kalenders

Jun
16
Pyr
17:00 Seminars “Mutvuordu viesturis ol... @ Kruoslovys nūvoda muzejs
Seminars “Mutvuordu viesturis ol... @ Kruoslovys nūvoda muzejs
Jun 16 @ 17:00
Seminars "Mutvuordu viesturis olūtu izmontuošona 20. godu symta viesturis pietnīceibā" @ Kruoslovys nūvoda muzejs
Viesturnīki, muzeju darbinīki, 16. junī 17.00 stuņdēs bibliotekari nūvodpietnīki i cyti interesenti aicynuoti iz seminaru “Mutvuordu viesturis olūtu izmontuošona 20. godu symta viesturis pietnīceibā” Kruoslovys nūvoda muzejā.
Jun
19
Cat
06:45 Pasuokums “FIZISKAIS RŪBEŽS: kul...
Pasuokums “FIZISKAIS RŪBEŽS: kul...
Jun 19 @ 06:45 – 18:45
Pasuokums "FIZISKAIS RŪBEŽS: kulturys nūzeime i pīejameiba Latvejis austrumu regionā"
Latgolys muokslys i kulturys platforma MUD LAB aicynoj iz storpdisciplinaru pasuokumu FIZISKAIS RŪBEŽS, kas nūtiks Leivuonā ituo gods 19. junī, daudzfunkcionaluo jaunīšu iniciativu centra “Kvartāls” futbola laukumā i Leivuon dzeļžaceļa stacejā. Pasuokums, kurā pīsadaleis kai[...]
18:00 Seminars “Viesturis olūtu komple... @ Kruoslovys nūvoda muzejs
Seminars “Viesturis olūtu komple... @ Kruoslovys nūvoda muzejs
Jun 19 @ 18:00
Seminars "Viesturis olūtu kompleksuo izpiete: mutvuordu viesturis olūti i fotografejis" @ Kruoslovys nūvoda muzejs
19. junī 18.00 stuņdēs Kruoslovys nūvoda muzejā nūtiks seminars “Viesturis olūtu kompleksuo izpiete: mutvuordu viesturis olūti i fotografejis”.
18:30 Izruode “Melnais piens/2024” @ Jaunais Reigys teatris
Izruode “Melnais piens/2024” @ Jaunais Reigys teatris
Jun 19 @ 18:30 – 20:15
Paguojuši 15 godi, kai JRT roduos izruode “Melnais piens”. Itei izruode paruoda, ka teatram nav obligati vysod juobyut baļsteitam iz destrukceju i konfliktim. Tys var byut ari par harmoneju i skaistumu, koč i skumeigu. Vizuali[...]