Tīšsaistis diskusejā “Esi i dori” sprīss par aktualim izgleiteibys vaicuojumim

Tīšsaistis diskusejā “Esi i dori” sprīss par aktualim izgleiteibys vaicuojumim

Rokstu sagataveja: portals lakuga.lv

Latgalīšu kulturys bīdreiba (LKB) 25. augustā 10.00 stuņdēs organizej izgleiteibys nūzaris specialistu tīšsaistis diskuseju “Esi i dori” par aktualajim izgleiteibys vaicuojumim pedagogim, školānim i studentim, ari jūs vacuokim i tim, kuri meklej pošizaugsmis vareibys, informej organizatoru puorstuove Santa Rudze. Pasuokumā pīsadaleis Vaļsts izgleiteibys satura centra vadeituoja Liene Voronenko, Latvejis Universitatis profesors Mārcis Auziņš, uzjāmuma “Tilde” biznesa atteisteibys direktors Kaspars Kauliņš, LKB vadeituoja Ilga Šuplinska, Rībeņu vydsškolys školuotuoja Diāna Bravacka, kai ari Rēzeknis Tehnologeju akademejis profesore Sanita Martena.

Tīšsaistis diskusejis daleibnīki akcentēs pošvuiceibys, pošvadeituos vuiceišonuos i digitalizacejis prasmis i kompetencis, sagaidūt kluotyn asūšūs vaicuojumus par izgleiteibys īspiejom i sevkura individa atteisteibu. Pasuokuma organizatore i daleibneica Ilga Šuplinska, kas ilgstūši dorbuojusēs itamā nūzarē, nūruoda: “Izgleiteibai juoīt kūpsūlī ar myusu dīnu tehnologejom, dorba tierga pīprasejumu i izgleitojamūs interešu izmaiņom. Tys nav tik Reigys vaicuojums, ari Latgolys regionā ir juoinvestej izgleiteibys tehnologeju i prasmu atteisteibā, tys varātu ari pozitivi ītekmēt ekonomiku. Tys ir ari vaicuojums par volūdu, kaidā atsateista tehnologejis. Latgalīšu volūdai ir juobyuņ tū volūdu vydā, kas palīk nuokušojom paaudzem.”

Pasuokuma parāds:

10.00 īvodvuordi nu Latgolys kongresa lāmumu izpiļdis padūmis (LKLIP)
10.05 “Puorīšona iz apvuiceibu latvīšu volūdā i īspiejis saturā” – Liene Voronenko, IZM, Vaļsts izgleiteibys i satura centrs
10.20 Vaicuojumi i atbiļdis
10.30 “Flirts ar cytaižū jeb kū vuiceitīs, kod vysys školys pabeigtys?” – Mārcis Auziņš, LU
11.00 Vaicuojumi i atbiļdis
11.10 “Muoksleiguo intelekta volūdys tehnologejis, tūs praktiskī pīlītuojumi šudiņ i reit” – Kaspars Kauliņš, SIA TILDE
11.40 Vaicuojumi i atbiļdis
11.50 “Digitalī reiki i platformys latgaliski” – Ilga Šuplinska, RTA, LKB
12.10 “Digitalūs reiku pīlītuojums školuotuoja praksē” – Diāna Bravacka, Rībeņu vydsškola
12.30 Vaicuojumi i atbiļdis
12.45 Pasuokuma kūpsavylkums, RTA profesore Sanita Martena

Daleiba tīšsaistis diskusejā ir bez moksys, tīšraidi varēs vērtīs kai Latgolys kongresa sātyslopā, tai Latgalīšu kulturys bīdreibys Facebook lopā. Interesenti, kas grib uzdūt vaicuojumus, ir aicynuoti jūs īsyuteit iz e-postu: latgalisubidreiba@gmail.com voi pasuokuma laikā raksteit FB komentaru sadaļā.

Pasuokumu organizej: Latgalīšu kulturys bīdreiba, Rēzeknis Tehnologeju akademeja i Latgolys kongresa lāmumu izpiļdis padūme.

Projektu “Latgalīšu kūpīnys lidereibys i pīdereibys styprynuošona, eistynojūt Latgolys kongresa idejis” finansiali atbolsta Sabīdreibys integracejis fonds nu Kulturys ministrejis dūtūs Latvejis vaļsts budžeta leidzekļu.

Print Friendly, PDF & Email

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]