Apvīneibys “SABIA Music” dzīduojumā latgalīšu tautysdzīsme sasavyn ar senejū muzyku

Apvīneibys “SABIA Music” dzīduojumā latgalīšu tautysdzīsme sasavyn ar senejū muzyku

Rokstu sagataveja: portals lakuga.lv

Augusta vydā publiski sovu pyrmū skaņdorbu atruodejs jauns projekts ar nūsaukumu “SABIA Music”. Tei ir apvīneiba, kurys muzykā sasavyn tautys muzykys, vydslaiku senejūs bazneicu i ambientuos muzykys skanis. Tikū publicāts apvīneibys jaunuokais skaņdorbs – verseja sovulaik teiciejis Domicellys Līpenis dzīduotajam “Ūgu bolsam”.

Muzykalajā apvīneibā “SABIA Music” dorbojās četri profesionali muziki – dzīduotuoja i etnomuzike Liene Skrebinska, senejuos i tradicionaluos muzykys specialiste, blokflautiste Ieva Nīmane, senejuos muzykys specialists, dzīduotuojs i rata lirys spālātuojs Guntars Prānis i sitaminstrumentalists Mārtiņš Milevskis.

Kai stuosta vīna nu projekta dalineicu Liene Skrebinska, kurei poša īt nu Latgolys, kur pabeiguse ari Juoņa Ivanova Rēzeknis muzykys vydsškolys tradicionaluos muzykys programu, ideja veiduot itaidu muzykalu apvīneibu Ievai Nīmanei i Guntaram Prānim asūt bejuse jau kaidu laiku. Aptyvai pyrma pusgoda Ieva uzrunuoja Lieni pīsavīnuot muzikim, sovpus piec ūtruo mieginuojumu apvīneibys sastuovu papyldynuojs ari bundzinīks Mārtiņš Milevskis.

Augusta vydā “SABIA Music” publicēja sovu pyrmū skaņdorbu, bet tikū laiduse pasaulī jaunu dorbu ar nūsaukumu “Ūgu bolss”, kuru sovulaik dzīduojuse īvāruojamuo Latgolys teicieja Domicella Līpeņa (Domicela Līpeņš), kurei dzymuse 1901. godā Izvolta pogostā, piečuok dzeivuojuse Gruoveru pogostā.

Liene soka: “Ir dažys latgalīšu, Domicellys Līpenis dzīsmis, kurys es nūteikti grybātu dzīduot ar “SABIA Music”, vys īspiejams, ka varātu pasaruodeit ari kaida šmuka dzīsme latvīšu volūdā.”

Kai portalam lakuga.lv atkluoj “SABIA Music” puorstuove Liene Skrebinska, apvīneibys koncerts vēļ itūgod byus dzierdams ari Latgolā – 17. decembrī Rēzeknis nūvoda Lūznovys muižā, bet cytim apvīneibys jaunumi var sekuot leidza jūs Facebook lopā ITE.


Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]