Aicynoj pīsasaceit 2. Storptautyskajam etnodžeza muzykys konkursam “Guoyu pa JAZZ”

Aicynoj pīsasaceit 2. Storptautyskajam etnodžeza muzykys konkursam “Guoyu pa JAZZ”

Rokstu sagataveja: portals lakuga.lv

Muokslu izgleiteibys kompetencis centrs (MIKC) “Latgolys Muzykys i muokslys vydsškola” izsludynoj pīsasaceišonu 2. Storptautyskajam etnodžeza muzykys ansambļu konkursam “Guoyu pa JAZZ”, kurs 2024. gods 8. februarī nūtiks Latgolys viestnīceibā “Gors”, informej školys puorstuove Ilze Unzule. Konkursā aicynuoti pīsadaleit Latvejis i Eiropys vaļstu muzykys vydsškolu tradicionaluos muzykys, džeza i myusu dīnu ritmu muzykys izgleiteibys programu audziekņu instrumentalī i vokali instrumentalī ansambli. Konkursa ideja ir namaineiga – apvīnuot tautys muzyku i džezu.

Ituo gods maja pīredze, kod konkurss pyrmū reizi puļcēja daleibnīkus nu vysys Latvejis i ari Leitovys, mudynuojusi organizatorus pīsagiut konkursa idejai vēļ stypruok i pamateiguok, pīsaistūt jaunus daleibnīkus na tik nu Latvejis muzykys izgleiteibys īstuožu, bet ari nu Eiropys, par golvonū aizdavumu līkūt piec vareibys vysaiduoku vaļstu regionu kulturys boguoteibu izceļšonu i īkļaušonu myusu dīnu muzykys žanrā, tai atkluojūt tautysdzīsmis pavysam jaunā i nabejušā skaniejumā.  

Ar itū konkursu organizatori grib sekmēt jaunūs muziku profesionalū izaugsmi, vyspuseigu atteisteibu, pylnveiduot muzykys izgleiteibys īstuožu audziekņu kolektivuos uzastuošonys prasmi i pīredzi, atteisteit instrumentalūs i vokali instrumentalūs ansambļu muziciešonys tradicejis i kvalitati myusu dīnu ritma i tradicionaluos muzykys stylūs.

Konkursa daleibnīku aizdavums ir atskaņuot divejus dažaida rakstura skaņdorbus: sova apvyda tautysdzīsmi originalaranžiejumā i breivys izvēlis skaņdorba originalaranžiejumu voi originalkompoziceju, kas īkļaun etniskuos muzykys elementus. Daleibnīki konkursam var pīsasaceit da 2024. gods 19. janvara, aizpyldūt elektroniskū pīsasaceišonys anketu ITE.

Atguodynojam, ka pyrmajā Storptautyskajā etnodžeza muzykys ansambļu konkursā “Guoyu pa JAZZ” pīsadaleja ostoni ansambli nu Latvejis i Leitovys muzykys izgleiteibys īstuožu. 1. vītu i golvonū bolvu – piļneibā apmoksuotu daleibu V Baļtejis džeza festivala “Šķiuņa džezs” meistarklasēs – izceineja ansamblis “MǬ” nu Ventspiļs Muzykys vydsškolys. Latgolys viestnīceibys “Gors” simpateju bolvu – vareibu uzastuot latgalīšu kulturys goda bolvys “Boņuks 2023” padūšonys ceremonejā – sajēme Laura Svikša i ansamblis “Sipisnīks ar madu”.

Kalenders

Feb
16
Svā
15:00 Starpbrīdis – Andrim Keišam 50 @ Muzykys noms "Daile"
Starpbrīdis – Andrim Keišam 50 @ Muzykys noms "Daile"
Feb 16 @ 15:00 – 17:00
Andris Keišs: “Jau divdesmit ostoitū godu es i iz skotivis, i kameru prīškā izdzeivoju svešys dzeivis. Tys aizjam lelu daļu munys dzeivis. Ka vokorūs, izruožu laikā, tuos svešuos dzeivis teik dzeivuotys, tod nu reitu mieginuojumūs[...]
Feb
17
Pyr
18:00 Starpbrīdis – Andrim Keišam 50 @ Muzykys noms "Daile"
Starpbrīdis – Andrim Keišam 50 @ Muzykys noms "Daile"
Feb 17 @ 18:00 – 20:00
Andris Keišs: “Jau divdesmit ostoitū godu es i iz skotivis, i kameru prīškā izdzeivoju svešys dzeivis. Tys aizjam lelu daļu munys dzeivis. Ka vokorūs, izruožu laikā, tuos svešuos dzeivis teik dzeivuotys, tod nu reitu mieginuojumūs[...]
19:00 Izruode “Mazpiļsāta” @ VEF Kulturys piļs
Izruode “Mazpiļsāta” @ VEF Kulturys piļs
Feb 17 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]