Videoklips “Biedeigais B” iz lelūs ekranu i pyrmais ūtruo albuma viestness – reperis Ūgys jaunumi

Videoklips “Biedeigais B” iz lelūs ekranu i pyrmais ūtruo albuma viestness – reperis Ūgys jaunumi

Rokstu sagataveja: portals lakuga.lv

Ituo gods suokumā reperei Ūgai izguoja videoklips dzīsmei “Biedeigais B”. Piec izruodeišonom pasauļa festivalūs videoklips pīsadaleis ari niu nūteikūšuo Reigys Storptautyskuo kinu festivala (Riga IFF) Baļtejis muzykys video konkursa skatē, kas 19. oktobrī byus Reigā “Splendid Palace” kinuteatrī, puļcejūt skateituojus, muziķus i videoklipu veiduotuojus, storp 16 Baļtejis mārūga dalinīkim ir ari latgalīšu repere Ūga ar videoklipu i dzīsmi “Biedeigais B”. Taipat rudiņs atguojs ar jaunu dzīsmi, kas ir Ūgys jaunuo albuma pyrmais viestness.

Repere Ūga ir atpazeistama ari Baļtejis mārūgā

Kai viestej Riga IFF organizatori, Baļtejis muzykys video konkursa skate, puļcejūt skateituojus, muziķus i videoklipu veiduotuojus ir eistyni audiovizualuos volūdys svātki, kurus vys tik viertēs ari pīci muzykys, kino i rodūšuos nūzaris profesionaļu žureja. 16 Baļtejis mārūga dalinīku vydā ir ari latgalīšu repere Ūga ar videoklipu i dzīsmi “Biedeigais B”. Konkursa seanss ir eipašs ar sovu naīrostū formatu i vareibu baudeit muzykys videoklipus iz leluo ekrana kūpā ar cytim skateituojim, muzikim i klipu veiduotuojim. Vysam kluotyn ari vareiba īsasaisteit sarunuos ar klipu veiduotuojim i žureju, snādzūt īskotu muzykys videoklipu veiduošonys aizkulisēs. Beletus iz pasuokumu var nūpierkt ITE.

Videoklipa “Biedeigais B” producente ir Olga Bogdanova, režisors – Ruslans Fradkins, muzykys autors Jezups i Alexfox Ausmeņa Records. Kai portalam lakuga.lv stuosta poša Ūga, “Biedeigais B” ari da šam ir pabejs vysaiduoku festivalu lelajūs ekrānūs, tymā vydā ari Londonā, Amerikā i Berlinē. “Lai cylvāki saprastu, cik itei dzīsme i video ir varons panuokums, varu atkluot, ka “Berlin Music Awards 2023″ tei beja vīnā nominacejā kūpā ar pasauļa slovonū muziki Tove Lo, es nūjaušu, ka jius varit īsadūmuot, cik cīši es lapnojūs ar myusu komandys dorbu,” stuosta Ūga. Jei ari pastreipoj, ka “Biedeigais B” golvonais “vaininīks” ir režisors Ruslands Fradkins, kuram pasasokūt videklips radzams ari plotuokai auditorejai.

Pyrmais singls nu albuma “Čardaukšu rūtaļa”

Paraleli Riga IFF nominacejai, Ūga publicejuse ari pyrmū singlu “Bandidas in Adidas” nu gaidomuo albuma “Čardaukšu rūtaļa”. Kai stuosta poša Ūga, dzīsmē jei raudzejuse raksturuot sīvyškū, magiskū i rogoniskū dobu i spāku. “Myusu dīnu sīvītis ir beistomi spieceigys, deļtam dzīsmē teik lauzti vysi stereotipi par sīvītem kai vuojū dzymumu, vyss teik apguozts iz ūtru pusi, pamatūt viņ vaicuojumu: kas tū vysu padareja?” Tai par dzīsmi izasoka tuos autore repere Ūga. Sovpus ap jaunuo albuma nūsaukumu “Čardaukšu rūtaļa” jei pastuosta, ka “čardaukši” ir seneja latgalīšu ciļts, par kuru dzeivis veidu kleist vysaiduokys natycamys legendys. Čaurdaukši saguojuši kūpā, pīsaukuši dobys skaistumu i vuicejuši baudeit dzeivi bez materialūs vierteibu pīlyugšonys. “Pa munam, myusu laikūs tei ir vīna nu svareiguokūs lītu, kas juosagloboj, radzūt, kaidi breinumi nūteik iz pasauļa. Prast apstuodynuot laiku i nūviertēt tū, kas ir, na skrīt piec boguoteibu, slavis voi kaidys cytys drazys,” tai Ūga. Dzīsmi “Bandidas in Adidas” Ūga izdavuse kūpā ar da šam moz zynomū apvīneibu “Ave Pohus”. Par jim Ūga stuosta, ka tei ir “pošu sātys” grupa, kas roda muzyku, kas napsarūbežoj ar džezu, vys vaira valk iz latgalīšu panku. “Kai saceja vīns nu myusu čardaukšu – tys ir marokaņu džezs,” soka Ūga, tok ari pastreipoj, ka itūšaļt grupa eipaši nagryb sevi reklamēt. Jei ari stuosta, ka jaunajā albumā byus gostu muokslinīki, par pīmāru, Bruolāns i MC.

“Ausmeņa Records” aicynoj jaunūs talantus

Taipat ituos nedelis jaunīšu raidejumā “Pīci breinumi”, kas gasteja studejā pi Ūgys, repere izsludynuoja kastingu muokslinīkim, dzīduotuojim, dzīšmu autorim, reperim i cytim interesentim – jaunajim talantim –, aicynojūt pīsavīnuot hip-hop apvīneibai “Ausmeņa Records”.

Print Friendly, PDF & Email

Kalenders

Mar
2
Sai
18:00 Latgalīšu kulturys goda bolva “B... @ Latgolys viestnīceiba "Gors"
Latgalīšu kulturys goda bolva “B... @ Latgolys viestnīceiba "Gors"
Mar 2 @ 18:00 – 20:30
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
21:15 Latgalīšu kulturys goda bolva “B... @ LTV1
Latgalīšu kulturys goda bolva “B... @ LTV1
Mar 2 @ 21:15 – 23:15
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
23:15 Kina “Cylvāka bārns” @ LTV1
Kina “Cylvāka bārns” @ LTV1
Mar 2 @ 23:15 – Mar 3 @ 01:00
Tei ir pyrmuo latgalīšu kina – Latgolā (Sakstagolā) filmāta i pošu latgalīšu spākim veiduota. Kina ir baļsteita iz Juoņa Klīdzēja romana ar taidu pošu nūsaukumu motivim. Stuosts par Latgolys Paulānu saimis dzeivi, par tradicejom i[...]