Daugovpilī nūtiks zynuotnyskuo konference “Latgales māksla”

Daugovpilī nūtiks zynuotnyskuo konference “Latgales māksla”

Rokstu sagataveja: portals lakuga.lv

22. novembrī Daugovpiļs Nūvodpietnīceibys i muokslys muzejā nūtiks zynuotnyskuo konference “Latgales māksla”, viestej informaceja muzeja sātyslopā. Konference teik reikuota kai daļa nu Latvejis Republikys proklamiešonys 105. godadīnys i Daugovpiļs Nūvodpietnīceibys i muokslys muzeja 85 godu jubilejis svieteišonys nūtikšonu.

Konferencis referatu temys orientātys iz vareibu izzynuot muokslys izpausmis Latgolā nu 20. godu symta 30. godu da myusu dīnu. Konferencis tematika pīduovoj izviertēt Latgolys muokslys veiduošonuos i atteisteibys ceļus nu lokaluos vidis skotu punkta. Muzeju nūzaris, kulturys i muokslys jūmys specialisti snēgs padzilinuotu īskotu Latgolys kulturys montuojumā, analizejūt ituo perioda muokslys daudzveideibu, dzeivis izjiutu, politiskuos situacejis ītekmis i rodūšus eksperimentus.

Konferencē paradzāts Rotko muzeja Pietnīceibys departamenta vadeituojis Valentīnys Slavkovskys prīšklasejums par gleznuotuoju, Latvejis viesturis, folklorys i tautys muokslys pietnīku, Vaļsts viesturis muzeja Daugovpiļs nūdalis dybynuotuoju i vadeituoju, pedagogu Oskaru Kalēju. Latgolys Kulturviesturis muzeja Pietnīceibys i izgleitojūšuo dorba nūdalis vadeituojs – specialists kulturviesturis vaicuojumūs Vladislavs Malahovskis snēgs prīšklasejumu par Latgolys muokslinīkim ASV piec Ūtruo pasauļa kara: Juoni Gorsvānu i Kazimiru Lauru. Sovpus Ludzys Nūvodpietnīceibys muzeja vadeituoja Milāna Bule snēgs īskotu muokslinīka Pāvela Kravcova profesionalajā darbeibā. Ar Latgolā dzymušuos muokslineicys Izabellys Krollis dzeivis stuostu konferencis daleibnīkus īpazeistynuos Rotko muzeja Kruojuma departamenta vadeituoja Zane Melāne. Konferencē ar prīšklasejumim par temu “Mākslas apskats vietējā perspektīvā – vietējais mākslinieks, auditorija un mākslas vēsture: topošās grāmatas “Daugavpils mākslinieki” piemērs” uzastuos Reigys Stradiņa Universitatis asociātuo profesore Ilva Skulte, Latvejis Muokslys akademejis docente Aiga Dzalbe, Rotko muzeja izgleiteibys programu kuratore, muokslineica Mairita Folkmane. Ar pylnu konferencis programu var īpasazeit ITE.

Pīsasaceit daleibai konferencē var da 21. novembra, aizpyldūt anketu.

Projekts teik realizāts ar Vaļsts kulturkapitala fonda mierkprogramys “Latvīšu viesturiskūs zemu atteisteibys programa” i bīdreibys “Latgales reģiona attīstības aģentūra” finansialu atbolstu.

Print Friendly, PDF & Email

Kalenders

Jul
13
Sai
19:00 Koncertizvadums “Atgriežamies La... @ Lejiscīma estrade
Koncertizvadums “Atgriežamies La... @ Lejiscīma estrade
Jul 13 @ 19:00 – 21:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]
22:00 Postfolklorys grupys “Rikši” uza... @ Rotko muzeja pogolms
Postfolklorys grupys “Rikši” uza... @ Rotko muzeja pogolms
Jul 13 @ 22:00 – 23:00
13. julī Daugovpiļs cītūksnī nūtiks 7. storptautyskais viesturyskuos rekonstrukcejis festivals “Dinaburg 1812”. Tū nūslēgs postfolklorys grupys “Rikši” uzastuošona.