Ar jaunu dzīsmi Sovvaļnīks tymsajā laikā viestej par gaismu

Ar jaunu dzīsmi Sovvaļnīks tymsajā laikā viestej par gaismu

Rokstu sagataveja: portals lakuga.lv

Latgalīšu rokmuziks Sovvaļnīks klauseituojim pīduovoj jaunu dzīsmi “Par gaismu”, kuruos teksta autore ir dzejneica Anna Rancāne.

“Vaļsts svātki aiz mugorys, i tiuleņ suoksīs Zīmyssvātku bums ar lampeņu, spuļdzeišu, speiguleišu ryndom i breinumu gaideišonu. Itamā šaļtī storp lelajim svātkim i laikā, kod snīgs reši īprīcynoj myusu dvēselis, bet malnboltys biļdis daudzus kaitynoj sova palākuma dieļ, Sovvaļnīks izmantoj vareibu cylvākim pastuosteit “Par gaismu”,” saceits muzika izplateitajā viestī.

Dzīsmis autori ir Sovvaļnīks i Anna Rancāne. Īrokstā paleidzēja Gints Stankevičs, Mareks Gusāns i Vladimirs Lavrentjevs.

Sovvaļnīks ari atguodynoj, ka ar jū pavysam dreiži kluotīnē varēs sasatikt Oskara Seiksta dzejā aba Seiksta gruomotys “Atīsmis” attaiseišonys nūtikšonuos: 30. novembrī Lūznovā, 8. decembrī Daugovpilī i 13. decembrī Reigā.

Print Friendly, PDF & Email

Kalenders

Apr
12
Pīk
15:00 Andra Kalinina izstuodis “Klusā ... @ Latgolys Kulturviesturis muzejs
Andra Kalinina izstuodis “Klusā ... @ Latgolys Kulturviesturis muzejs
Apr 12 @ 15:00 – 16:00
Vuordam “doba” skaidrojūšajā vuordineicā ir div nūzeimis – vysupyrma, tys apzeimej vysa apleik eksistejūšuo uorejū veidūlu ainaviskā izpratnē, pa ūtram, par “dobu” teik sauktys ari kaidys paruodeibys golvonuos eipašeibys, kas varātu izsaceit tūs byuteibu. Reflektejūt[...]