Gar vaļsts autocelim suoc pastateit ceļa zeimis latgaliski i lībīšu volūdā

Gar vaļsts autocelim suoc pastateit ceļa zeimis latgaliski i lībīšu volūdā

Rokstu sagataveja: portals lakuga.lv

Gar vaļsts autocelim suoc pastateit kulturviesturiskūs nūvodu rūbežu zeimis, Lībīšu krosta rūbežu zeimis i apdzeivuotūs vītu, piļsātu voi cīmu nūsaukumu ceļa zeimis latgalīšu rokstu volūdā i lībīšu volūdā, viestej informaceja VSIA “Latvijas Valsts ceļi” sātyslopā. Pyrmuos itaidys zeimis ir pastateitys pi vītejuo autoceļa Cyskodi–Drycāni (V552).

Kūrzemē 22 ceļazeimis pastateis iz treis autoceļu: Ventspiļs–Kolka (P124), Talsi–Dundaga–Mozirbe (P125) i Tukums–Kestercīms–Mārsrogs–Kolka (P131). Latgolā iz vaira nakai 50 vaļsts autoceļu tiks nūmaineitys ceļazeimis ar apdzeivuotūs vītu, piļsātu voi cīmu nūsaukumim latgalīšu rokstu volūdā.

Vysā vaļsts ceļu teiklā pastateis ari 54 kulturviesturiskūs nūvodu rūbežu zeimis, bet Kūrzemē ari treis Lībīšu krosta rūbeža zeimis. 

Vītys, kur teik pastateitys itaidys ceļa zeimis, izalaseja dorba grupa, kurā dorbuojuos Satiksmis ministrejis, Tīslītu ministrejis, Vaļsts volūdys centra VSIA “Latvijas Valsts ceļi” puorstuovi. Lāmums par itaidu zeimu pastateišonu i finansiejuma pīškieršonu atrūnams ITE.

Lībīšu krosta zeimis i ceļa zeimis lībīšu volūdā i kulturviesturiskūs nūvodu rūbežu zeimis par leigumsumu 9854,64 eiro (ar PVN) i 13630,26 eiro (ar PVN) pastateis VAS “Latvijas autoceļu uzturētājs”, bet zeimis latgalīšu volūdā par leigumsumu 78084,97 eiro (ar PVN) Latvejis–Leitovys kūpuzjāmums SIA “Viadukts”.


Print Friendly, PDF & Email

Kalenders

Mar
7
Cat
16:00 Valentina Lukaševiča gruomotys “... @ Latgolys Centraluo biblioteka
Valentina Lukaševiča gruomotys “... @ Latgolys Centraluo biblioteka
Mar 7 @ 16:00 – 17:30
7. martā 16.00 stuņdēs Daugovpilī, Latgolys Centralajā bibliotekā, 2. stuovā (Reigys īlā 22a) nūtiks Valentina Lukaševiča vītu stuostu kruojuma “Dīnvydlatgolys stuosti” prezentaceja i sasatikšona ar autoru. Gruomotys 39 stuostūs autors, ceļojūt na tik telpā, bet[...]