Februara suokuos Viļānūs nūtiks storptautysks masku festivals

Februara suokuos Viļānūs nūtiks storptautysks masku festivals

Rokstu sagataveja: portals lakuga.lv

Rēzeknis nūvoda Viļānu piļsātā nu 9. da 11. februara nūtiks storptautysks masku festivals ar mierki vērst plotuoku viereibu iz Latgolys regiona maskuošonuos tradicejom. Festivalā pīsadaleis ap 20 vysaidu masku grupu nu Latvejis, Pūlejis, Portugalis, Leitovys i Igaunejis.

Latvīšu folklorā i tradicionalajā kulturā maskom i maskuošonuos tradicejom ir lela i nūzeimeiga lūma. Kotrā nūvodā atsaškir maskys i tūs variacejis, taipoš kai maskuošonuos pajiemīni i ari pošu maskuotūs ļaužu nūsaukumi – čyguoni, budēli, kekatys, vatslāvji, kaitys i cyti. Teicieju līceibuos fiksāti vaira nakai 70 vysaidu masku grupu nūsaukumi. Pādejūs godūs ir izzynuots gona daudz informacejis par maskuošonūs i ar tū saisteitom tradicejom, vys tik vēļ ir gona daudz nazynomuo i pietejamuo. Masku tradiceju festivals ir vīns nu veidu kai ituos nūzeimeiguos tradicejis uzturēt dzeivys i īinteresēt plotuoku sabīdreibys daļu, viestej festivala organizatori.

Storptautyskuo maskuošonuos festivala laikā gaidoma plota i daudzveideiga programa – masku tālu ekspozicejis, masku grupu guojīni lauku sātuos i piļsātvidē, saīts īšktelpuos (Viļānu kulturys nomā), individualuo masku skate, Meteņu svātki, konference, masku gataveišonys darbneica i masku konkursi kai dalinīkim, tai apmaklātuojim.

Festivala programa:
9. februarī
18.00–20.00 Masku gataveišonys meistardarbneica Viļānu kulturys nomā
20.00–22.00 gostu masku grupys izruodis i sasadoncuošona Viļānu kulturys nomā.

10. februarī
12.00–14.00 Masku guojīni Rykovys, Dekšuoru, Radopolis, Sokolku i Gaļānu pogostu lauku sātuos
15.00–17.00 Masku tradiceju konference Viļānu kulturys nomā
18.00–19.30 Masku tālu izruode Viļānu kulturys nomā
20.00–22.00 Masku grupu saīts, sasadoncuošona Viļānu kulturys nomā
22.00 Individualuo masku skate Viļānu kulturys nomā.

11. februarī
10.00–12.00 Masku tradiceju konference Viļānu kulturys nomā
12.00–13.00 Masku guojīni Viļānu īluos i skverūs
13.00–15.00 Meteņu dzeišona i festivala nūslāgums Viļānu kulturys laukumā.

Nu 20. janvara da februara beigu Viļānu i Rēzeknis īlu skotlūgūs byus apsaverama masku tālu ekspoziceja, kur pylnā augumā byus radzamys vysaidys latvīšu tradicionaluos maskys – čyguonu borveds, garuo sīva i mozais veireņš, dzērve, valns, kekatys, budēli, mežvylki i cytys tradicionaluos maskys.


Print Friendly, PDF & Email

Kalenders

Apr
25
Cat
11:00 Festivals “Steigys” @ Juoņa Ivanova Rēzeknis muzykys vydsškola
Festivals “Steigys” @ Juoņa Ivanova Rēzeknis muzykys vydsškola
Apr 25 @ 11:00 – 17:00
Festivals "Steigys" @ Juoņa Ivanova Rēzeknis muzykys vydsškola
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 25 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Koncerts “Celīs, bruoļ!” @ VEF Kulturys piļs
Koncerts “Celīs, bruoļ!” @ VEF Kulturys piļs
Apr 25 @ 19:00 – 21:00
Koncertā pīsadola kai jau populari i labi pazeistami, tai i pavysam jauni, dažaidus muzykys stilus puorstuovūši muokslinīki: Juoņs Aišpurs (THE SOUND POETS), Arņs Slobožaņins (DABASU DUROVYS), Guntis Rasims i Jurs Vucāns (BEZ PVN), Jurs Ostrovskis[...]