“Vuolyudzāni” i latgalīšu rokstu volūdys i kulturviesturis olimpiade itūgod nūtiks 27. aprelī

“Vuolyudzāni” i latgalīšu rokstu volūdys i kulturviesturis olimpiade itūgod nūtiks 27. aprelī

Rokstu sagataveja: portals lakuga.lv

27. aprelī, Latgolys kongresa dīnā, Rēzeknis Vaļsts 1. gimnazejā (Dziernovu īlā 3a) nūtiks 24. skotuvis runys konkurss “Vuolyudzāni” i 23. atkluotuo latgalīšu rokstu volūdys i kulturviesturis olimpiade, informej Latgalīšu volūdys, literaturys i kulturviesturis školuotuoju asociacejis vadeituoja Veronika Dundure.

Itūs kasgadejūs nūtikšonu mierkis ir styprynuot bārnūs i jaunīšūs izpratni par latgalīšu rokstu volūdu kai svareigu latvyskuos identitatis daļu, popularizēt latgalīšu kulturys montuojumu, latgaliski raksteita teksta vierteibu, izkūpt latgalīšu rokstu volūdu. Skotuvis runys konkursā “Vuolyudzāni” aicynuoti pīsadaleit pyrmsškolys vacuma bārni, 1.–12. klašu školāni i ari studenti. Kotram dalinīkam juosagatavej diveju daildorbu fragmenti latgaliski. Vīns daildorbs īteicams nu jaunuokuos latgalīšu literaturys.

Skotuvis runys konkursa “Vuolyudzāni” nūlykums

23. atkluotajā latgalīšu rokstu volūdys i kulturviesturis olimpiadē var pīsadaleit vyspuorizgleitojūšūs školu 10.–12. klašu komandys 3–5 školānu sastuovā. Olimpiade tradicionali nūteik pīcuos kuortuos, nu kurūs 1. kuorta ar profesoris Lidejis Leikumys sagataveitū latgalīšu rokstu volūdys zynuošonu puorbaudi i 5. kuorta ar Latgolys kulturtestu, kū pīduovoj portala lakuga.lv komanda, palīk namaineigys. Itūgod 2. kuorta veļteita drukys aizlīguma latiņu burtim atceļšonys 120 godu atguoduošonai, 3. kuorta – Fraņča Trasuna 160. jubilejai, bet 4. kuortā vydsškolānim byus juoīpazeist jaunuokuo latgalīšu literatura – Oskara Seiksta gruomota “Atīsmis”.

Latgalīšu rokstu volūdys i kulturviesturis olimpiadis nūlykums

Kai konkursam, tai olimpiadei juopīsasoka leidz 20. apreļam.


Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]