Rokstu sagataveja: portals lakuga.lv

Grupa “Dabasu Durovys” viestej, ka 17. majā 18.00 stuņdēs Daugovpiļs kulturys pilī gaidoms koncerts, kurā varēs dzierdēt dzīsmis nu jūs jaunuo albuma “Dīnys i Nadīnys”, kurs tiks publicāts aprelī. Reizē klauseituojim teik pīduovuots ari albuma prīškviestness – dzīsme “Pustymsā”.

Koncertā grupai uz skotivis pīsavīnuos eipašī gosti: “Daugavpils Brass”, Laura Bicāne, Daugovpiļs Vīneibys noma jauktais kors “Daugava”, britu rokmuziks Ted Botterill, Jurs Ostrovskis, Laura Svikša, Jana Dudare i Amanda Lapa.

Grupa “Dabasu Durovys” iz skotivis ir 18 godu, izdavuse pīcus studejis albumus, regulari snāguse koncertus Latvejā i ari uorpus tuos. Grupys sastuovā ir Arņs Slobožanins (bolss i gitara), Aleksandrs Tamans (bungys), Valdis Rundzāns (bass), Māris Veliks (gitara), Vladimirs Šuvalovs (tausteni) i Romāns Sladzis (gitara, bolss).

Beletus iz koncertu var nūpierkt Daugovpiļs Kulturys piļs kasē (dorba dīnuos nu 16.00 da 19.00 stuņžu i treis stuņdis pyrma koncerta) i “Biļešu paradīzē”.