Izdūta Ainys Rakstinis gruomota par Tiļžu i tuos ļaudim

Izdūta Ainys Rakstinis gruomota par Tiļžu i tuos ļaudim

Rokstu sagataveja: portals lakuga.lv

5. martā 15.00 stuņdēs Bolvu Centralajā bibliotekā tiks svieteiti Ainys Rakstinis gruomotys “Tilža un tilženieši” atkluošonys svātki, informej izdevieju puorstuovs Andris Slišāns. Autore itū gruomotu rakstejuse i Bolvu nūvoda Tiļžys viesturi i stuostus par tuos dzeivuotuojim ir apkūpuojuse daudzu godu garumā, struodojūt par viesturis školuotuoju Tiļžys školā. Daudzu godu naatlaideiga dorba rezultats ir vierteiga i izzynojūša vaira nakai 300 puslopu bīza gruomota.

Aina Rakstiņa ir pedagoge, lokaluos viesturis pietneica, kas dzymuse 1957. goda 4. augustā. Vuicejusēs Tiļžys vydsškolā. Nu 1976. goda struoduojuse par viesturis, socialūs zineibu, psihologejis i kulturys viesturis školuotuoju. Suokumā Golvaru pamatškolā, bet nu 1979. goda – Tiļžys vydsškolā. A. Rakstiņa ir absolvējuse Latvejis Universitatis Viesturis i filozofejis fakultati, kai ari Daugovpiļs Universitatis Socialūs zynuotņu fakultati. Ir pedagogejis i viesturis magistre. Autore vysu sovu aktivū školuotuojis dorba myužu veļtejuse Bolvu nūvoda Tiļžys viesturis izpietei. 2021. godā jei devēs pensejā i suoce intensivu dorbu pi gruomotys raksteišonys.

Autore A. Rakstiņa soka: “Ilgus godus beju viesturis školuotuoja i saprotu, ka nav gruomotys par Tiļžu. Ar školānim bīži braucem ekskursejuos iz muzejim. Vežu školānus pi vysaidu cylvāku. Braucem apsavērt pīminis vītys, kopus, dažaidojūt bārnu redziejumu par myusu viesturi. Maņ palyka skaidrys, ka pīraksteits vuords sasagloboj ilguok, kab tū var skaiteit nuokušuos paaudzis, tai izzynojūt boguotū Tiļžys i tiļžuonu viesturi.”

Gruomotu izdeve bīdreiba “Upītes jauniešu folkloras kopa” sadarbeibā ar Bolvu nūvoda Namaterialuos kulturys montuojuma centru “Upīte”. Finansiali gruomotys izdūšona tyka atbaļsteita Latgolys regiona atteisteibys agenturys projektu konkursā ar Vaļsts Kulturkapitala fonda mierkprogramys “Latvīšu viesturiskūs zemu atteisteibys programys” finansialu atbolstu.


Print Friendly, PDF & Email

Kalenders

Apr
25
Cat
11:00 Festivals “Steigys” @ Juoņa Ivanova Rēzeknis muzykys vydsškola
Festivals “Steigys” @ Juoņa Ivanova Rēzeknis muzykys vydsškola
Apr 25 @ 11:00 – 17:00
Festivals "Steigys" @ Juoņa Ivanova Rēzeknis muzykys vydsškola
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 25 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Koncerts “Celīs, bruoļ!” @ VEF Kulturys piļs
Koncerts “Celīs, bruoļ!” @ VEF Kulturys piļs
Apr 25 @ 19:00 – 21:00
Koncertā pīsadola kai jau populari i labi pazeistami, tai i pavysam jauni, dažaidus muzykys stilus puorstuovūši muokslinīki: Juoņs Aišpurs (THE SOUND POETS), Arņs Slobožaņins (DABASU DUROVYS), Guntis Rasims i Jurs Vucāns (BEZ PVN), Jurs Ostrovskis[...]