Jauna vareiba muzikim sevi paruodeit – Bolvūs nūtiks originaldzīšmu konkurss “Asni”

Jauna vareiba muzikim sevi paruodeit – Bolvūs nūtiks originaldzīšmu konkurss “Asni”

Rokstu sagataveja: portals lakuga.lv

6. aprelī Bolvu Kulturys i atpyutys centrā nūtiks originaldzīšmu konkurss “Asni”, informej tuo organizatori. Konkursa mierkis ir atkluot jaunu originalmuzyku i tuos izpiļdeituojus nu vysys Latvejis, tok tai kai tys nūteik Latgolā, tei ir ari loba vareiba sevi paruodeit jaunajim latgalīšu muzykys puorstuovim. Pīsasaceit konkursam var da 10. marta.

“Gribim atkluot i veicynuot rodūšū izpausmi jaunajūs muokslinīkūs, atbaļsteit jūs interesis i sapynus. Itaida veida konkursi paver plašuokus horizontus, paleidz dybynuot jaunus kontaktus, dūd vareibu pabyut īrokstu studejā i pīdzeivuot jaunys emocejis. Bolvūs itaida veida konkursa nav bejs cīši seņ, partū gribiejom taidu sataiseit, kab rodūšajim jaunīšim byutu vīta, kur izapaust i tikt pi jaunu zynuošonu,” stuosta Bolvu Kulturys i atpyutys centra pasuokumu organizatore i vīna nu konkursa organizatoru Dagmāra Laicāne.

Konkursa aizdavumi paredz apzynuot i popularizēt jaunu originalmuzyku Latvejā, nūdrūsynuot vareibu jaunajim izpiļdeituojim i komponistim paruodeit sovu originalmuzyku profesionalai žurejis komisejai i konkursa apmaklātuojim, motivēt jaunūs talantus muokslinīcyskūs spieju atteisteibai, izpyldūt originalmuzyku, kai ari veicynuot pīredzis apmaiņu daleibnīku vydā.

Konkursā var pīsadaleit vysaidu vacumu solisti voi grupys i komponisti ar dažaidu muzykalū izgleiteibu, pīredzi voi ari bez tuos. Tam juoīsnādz vīna originaldzīsme, kas var byut sevkurā muzykys žanrā, tok pyrma tuo nav bejuse publiski daīmama. Konkursam ir ari daleibys moksa.

Daleibnīkus viertēs žureja pīcu cylvāku sastuovā, i 1. vītys sajiemieji bolvā sajims vareibu sovu dzīsmi īraksteit. Tiks vārtāta dzīsmis originalitate, teksta saturiskais i emocionalais dziļums, kompozicejis struktura, izpiļdejuma spāks i skotiviskuo pīviļceiba. Ar pylnu konkursa nūlykumu var īpasazeit ITE.


Print Friendly, PDF & Email

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]