Rokstu sagataveja: portals lakuga.lv

Pavasara pyrmajā nedeļā ar īsacejumim doluos Kristīne Nicmane. Jei ir uzjiemieja nu Preiļu nūvoda, kura izveiduojuse keramikys zeimyna “Jašas podi” darbneicu Aizkaļnē i veikaleņu Preiļūs. Kristīnis harizma, energeja, kūšums atsaspīgeļoj juos taiseitajūs dorbūs, deļtuo meistare ari cytim īsoka saulainuos dīnys pavadeit rodūši, baudūt i veidojūt muokslu.

Keramikys meistarklase sīvīšu dīnys nūskaņā

Par gūdu sīvīšu dīnai “Jašas pūdu” meistare organizej meistarklasi sīvītem, kurys grib rodūši dorbuotīs, realizēt sevi i jauki pavadeit laiku svātku dīnā. Kristīne prūt radeit svātkus tai, ka sevkurs jiutās eipašs i gaideits kai lobā draugu kompanejā. “Izveiduosim škeivi, tū apgleznuosim i gotovū darbeņu varēs sajimt piec diveju nedeļu ci ar pakomata storpnīceibu.”

“Jašas pūdu” izstuode

Nu 23. februara da 5. apreļa Leivuona stykla i amatnīceibys centrā apsaverama Kristīnis keramikys izstuode “Jašas pūdi”. Izstuodis elementim pīmeit napuorpūtams viestejums aba stuosts, kurs nūvad puordūmu ceļojumā. Kotra trauka forma, kvalitate i puordūmuotuo funkcionalitate ar ryupeigai puordūmuotu dizainu “Jašas pūdus” īlīk luksusa klasis keramikys leiminī. Grafikys, pīmaklātys glazurys i zeimiejumi puorsteidz i naatstuoj vīnaldzeigu pat vysizvieleiguokū skateituoju i piercieju.

Rotko muzeja pavasara izstuožu sezona

Rotko centrā atkluota jauna pavasara izstuožu sezona. Tī apsaverama ari Latgolys regiona muokslinīku kasgadejuo konkursa izstuode “Lielgabalu klusumā”. Tī īkļauts ari Kristīnis dorbs ar nūsaukumu “Ko tagad?”