Rokstu sagataveja: portals lakuga.lv

Jau ūtrū reizi Nautrānu sporta hallē – KN 16. martā 11.00 stuņdēs nūtiks erudicejis spēle “Nu troki gudrys!”, informej Rēzeknis nūvoda Nautrānu apvīneibys kulturys pasuokumu organizatoru vadeituoja Inga Vigule. Spēlē byus vareiba puorbaudeit sovys zynuošonys i erudiceju par Latveju, Latgolu i Nautrānu pogostu.

Spēlē var pīsadaleit sevkura komanda, kurā daleibnīku skaits ir nu diveju da sešu. Kotrys daleibnīks dreikst startēt tik vīnys komandys sastuovā. Spēlē var pīsadaleit tikai tī daleibnīki, kuri ir dasasacejuši. Pyrmajā spēlē pārņ pīsadaleja septenis komandys i uzvarātuoja gūdu izceineja komanda “Sābru byušona”.

Inga Vigule stuosta, ka itūgod spēlē nabyus daīmami atbiļžu varianti: “Kai soka – zini voi mini, bet minusa raunds tiks saglobuots. Minusa raunds ir tys spēlis moments, kurs var sajaukt kuojom gaisā vysu rezultatu! Nasabeist, ka koč kū nazynuosi, golvonais – cik daudz tu izzynuosi!” 

Dasasaceit daleibai ir vareiba, rokstūt iz e-postu inga.vigule@rezeknesnovads.lv voi sasazynojūt telefoniski, zvonūt iz mob. 28335357 (Ingai) ci mob. 20260033 (Martai). Dasacejumā juonūruoda daleibnīku skaits i komandys nūsaukums. Gaidoms ari kaids muzykals puorsteigums. Daleiba spēlē ir bez moksys i bez vacuma īrūbežuojumu.