Kruoslovā apsaverama muokslinīka Valentina Zlidņa pīminis izstuode

Kruoslovā apsaverama muokslinīka Valentina Zlidņa pīminis izstuode

Rokstu sagataveja: portals lakuga.lv

Da 9. maja Kruoslovys nūvoda muzejā apsaverama muokslinīka Valentina Zlidņa 85. jubilejai veļteita pīminis izstuode, viestej publiski daīmamuo informaceja. Ari kasdīnā Kruoslovys piļs kompleksa Omotu sātā var īpasazeit ar muokslinīka dzeivi i dailradi, jo tī īkuortuota jam veļteita ekspoziceja – gleznuotuoja darbneica.

Valentins Zlidnis (1939-2010) beja na tik muokslinīks, bet ari sliepuošonys treners. Jis dzims Rēzeknis nūvoda Bieržgaļa pogosta Meirānūs, vuicejīs Bieržgaļa vydsškolā i Latvejis Vaļsts Fiziskuos kulturys institutā. Piec tuo absolviešonys dzeivi saistejs ar Kruoslovu – 25 godus nūstruoduojs Kruoslovys Bārnu i jaunīšu sporta školā.

Gleznuot Zlidnis suocs jau školys laikā, pyrmuo juo akvareļu izstuode nūtykuse jau Fiziskuos kulturys institutā studeju gostūs. Piečuok jam bejušys personalizstuodis Kruoslovā, Rēzeknē, Ludzā, Daugovpilī i Dagdā. Zlidņa dorbi atrūnami na tik Kruoslovys nūvoda muzeja kruojumā, bet ari Daugovpiļs Nūvodpietnīceibys i muokslys muzejā, Latgolys Kulturviesturis muzejā Rēzeknē, kai ari privatkolekcejuos Latvejā, Kanadā, Rumanejā, Vuocejā, Australejā, Pūlejā i cytur.

2019. godā Kruoslovys nūvoda muzejā tyka atkluota jauna ekspoziceja “Gleznuotuoja Valentina Zlidņa darbneica”. Kruoslovys piļs kompleksa Omotu sātys mansarda daļā jis eistyn nazkod ir dzeivuojs i rodūši dorbuojīs. Ekspoziceja īkuortuota, piec vareibys saglobojūt muokslinīka poša veideotu darbneicys interjeru, paruodūt juo goreigū byuteibu i rodūšū pasauli. Ekspozicejis koncepcejis autore ir Marta Folkmane, bet tū realizēja juos vacuoki – Mairita i Ivo Folkmani.


Print Friendly, PDF & Email

Komentari

  1. Bwer Pipes: The Ultimate Destination for Irrigation Excellence in Iraq: Elevate your farm’s irrigation capabilities with Bwer Pipes’ premium-quality products. Our innovative sprinkler systems and robust pipes are engineered for durability and efficiency, making them the ideal choice for Iraqi farmers striving for success. Learn More

  2. Experience Excellence with Bwer Pipes: Elevate your farming operations with Bwer Pipes’ industry-leading irrigation solutions. Our cutting-edge sprinkler technology and durable pipes are engineered for superior performance, enabling Iraqi farmers to achieve optimal water management, crop health, and productivity. Explore Bwer Pipes

Kalenders

May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]
13:00 Sasatikšona ar Juri Cybuli @ Reigys Centraluos bibliotekys Grīziņkolna filialbiblioteka
Sasatikšona ar Juri Cybuli @ Reigys Centraluos bibliotekys Grīziņkolna filialbiblioteka
May 30 @ 13:00 – 14:30
30. majā 13.00 stuņdēs RCB Grīziņkolna filialbiblioteka (Alauksta īlā 10) aicynoj iz sasatikšonu ar Juri Cybuli. Jurs Cybuļs ir volūdnīks, tulkuotuojs, publicists i školuotuojs, kurs vaira nakai 40 godu pietej i kolekcionej ābecis. Jurs Cybuļs[...]