Rokstu sagataveja: portals lakuga.lv

Dzīšmu autors i izpiļdeituojs Aņss Ataols Bierzeņs publicējs dzīsmis “Žuguris pereklis” videoklipu, informej pats muziks. Klauseituojim itei dzīsme jau ir zynoma nu 2023. gods suoku, kod jei tyka īraksteita.

Dzīsme dzīduota garmanis pavadejumā, araņžiejumā lītuoti i cyti instrumenti.

Pats autors i izpiļdeituojs dzīsmi raksturoj itai: “Dzīsmis sižetiskajā linejā dominej elektreibys tema, kurei deļ Latvejis ļaudeibys tān cīši aktuala – i pa vaļdeibys rausšonai nu ļaužu kuldu, i pa jaunūs tehnologeju īīšonai, kurei na vysod nūteik korektai. Paralelai pasaruoda dzeraunis ļaužu dzeive, a romaņtiskuo steiga aizskaņ, apdzīdūt golvonūs elektreibys stuburu dzeivuotuojus – žuguris.”

Klips puorsvorā uzjimts Rudzātu pogosta Rudzēteņuos, Byumaņūs, Stečā i Muolakolnā. Lela daļa juo kadru asūt etnografiskai-dokumentali.

Dzīsmis vuordi atrūnami A.A.Bierzeņa sātyslopā.