Rokstu sagataveja: portals lakuga.lv

Nedeļgolā, kod pīminim Latgolys kongesu, jau 25. reizi nūtyka skotuvis runys konkurss “Vuolyudzāni” i atkluotuo vaļsts latgalīšu rokstu volūdys i kulturviesturis olimpiade vydsškolu jaunīšim. Konkursā pīsadaleja 64 vuolyudzāni, bet olimpiadē – septenis komandys nu Baļtinovys, Drycānu, Ludzys, Nautrānu, Rekovys, Viļānu i Kruoslovys. Školānus sagatavuoja 57 školuotuoji nu 37 Latgolys školu, puorstuovāti gondreiž vysi nūvodi (izjamūt Leivuona nūvodu), kai ari Rēzeknis i Daugovpiļs piļsāta.       

Eiroparlamenta deputate Inese Vaidere sešim konkursa i olimpiadis uzvarātuojim duovuoja braucīni iz Briseli. Diveji dyžvuolyudzāni sajēme naudys bolvu nu Saeimys deputatis Annys Rancānis, bet Rēzeknis Vaļsts gimnazejis direktors Juoņs Poplavskis pīškeira sovu simpateju bolvu. Latgalīšu volūdys, literaturys i kulturviesturis školuotuoju asociaceja (LVLKŠA) soka paļdis vysim bārnim i jaunīšim par pīsadaleišonu, školuotuojim i vacuokim par bārnu sagatavuošonu i konkursam, i olimpiadei.

Taipat lels paļdis teik saceits Rēzeknis nūvoda pošvaļdeibai – ilggadejai pasuokuma finansialai atbaļsteituojai, žurnalam “A12”, z/s “Kotiņi” par bolvom olimpiadis uzvarātuojim, Latgolys Kulturys centra izdevnīceibai, bīdreibai “Volūda”, Latgalīšu kulturys bīdreibai, kai ari profesorei Lidejai Leikumai par bolvu olimpiadis uzvarātuoju komandai i gudruokajim latgalīšu volūdys pareizraksteibā.

Latgalīšim ir teicīņs “ceļt iz orkla” ar nūzeimi gūdynuot, partū LVLKŠA gūdynuoja Rēzeknis nūvoda pošvaļdeiba, duovojūt tai muokslineicys Maijis Gailumis izveiduotū orklu, bet treis izgleiteibys īstuodis, kas īzvaneja itū pasuokumu 2001. godā (Nautrānu vydsškola, Baļtinovys vydsškola i Rēzeknis Vaļsts 1. gimnazeja) sajēme M. Gailumis savārtūs vieja zvonus.

“Vuolyudzānu” rezultati:

1.-4. klašu grupa

Dyžvuolyudze – Adele Pušmucāne – Rēzeknis suokumškola, šk. Iveta Maizika;

1.v. – Rinalds Zelčs – Ludzys piļsātys v-šk., šk. Ineta Misāne
2.v. – Kristiāns Mortukāns – Kuorsovys PII, mama Lāsma Mortukāne
Katrīna Hmeļņicka – Kruoslovys gimnazeja, šk. Inese Egle
Emīlija Grebeža – Ludzys Muzykys p-šk., šk. Dace Tihovska
3.v. – Elīze Petrovska – Rēzeknis vaļsts pūļu gimnazeja, šk. Anita Klovāne
Enija Naidjonova – Špogu v-šk., šk. Ingrīda Kolosovska
Jēkabs Tjušs – Viļānu v-šk., šk. llga Juška
Nora Zelča – Kuorsovys v-šk., šk. Ilga Kirovaine.

5.-8. klašu grupa

Dyžvuolyudze – Kristiāns Dzalbs – Kruoslovys gimnazeja, šk. Lolita Dzalbe;

1.v. – Rinalds Razgalis – Drycānu v-šk., šk. Līga Augstkalne
Viktorija Hmeļņicka – Kruoslovys gimn., šk. Ingrīda Grišāne
2.v. – Žanis Muhins – Rēzeknis 5. p-šk., šk. Biruta Trimalniece
Marta Opincāne – Nautrānu strukturvīneibys Bieržgaļa p-šk., šk. Renāte Jurdža
3.v. – Ieva Spīča – Gaigalovys p-šk., šk. Ērika Bozoviča
Evelīna Raginska – Rēzeknis 5.p-šk., šk. Anna Šmite.

9.-12. klašu grupa

Dyžvuolyudze – Anna Guba – Latgolys muzykys i muokslys vydsškola, šk. Sandra Kļaviņa;

1.v. – Laine Kušnere – Rēzeknis 5. p-šk., šk. Dzintra Circāne
Gabriela Smane – Feimaņu p-šk., šk. Ingrīda Mežajeva
2.v. – Kaspars Vistopols – Tukuma Raiņa Vaļsts gimn., šk. Līga Lauziniece i Ingrīda Vistopola
3.v. – Adriana Poplavska – Maltas v-šk., šk. Inese Greiža.

Eiroparlamenta deputatis Inesis Vaideris bolvu, braucīni iz Briseli, sajēme Anna Guba, dzejneicys, Saeimys deputatis Annys Rancānis specbolvu – 50 eiro – juos paleigs Sandis Mesters pasnēdze Adelei Pušmucānei i Kristiānam Dzalbam, bet Rēzeknis Vaļsts gimnazejis direktora Juoņa Poplavska simpateju bolvu 50 eiro apmārā sajēme Matīss Silarašs nu Nautrānu vydsškolys.                   

Atkluotuos vaļsts latgalīšu rokstu volūdys i kulturviesturis olimpiadis rezultati:

1. vītu i braucīni iz Briseli izceineja Drycānu vydsškolys komanda (Krista Kokina, Raitis Igaunis, Egita Melne, Gints Čivčs, Renāte Anufrijeva), šk. Silvija Laizāne. 2. vīta – Ludzys piļsātys vydsškolys komandai (Marta Batņa, Valdis Griševs, Annija Streļča, Dominiks Šaļapins), šk. Laila Budreviča. Sovpus 3. vīta Nautrānu vydsškolys komandai (Rūta Vonoga, Agija Vonoga, Edgars Vonogs, Renārs Jurdžs, Rolands
Jurdžs), šk. Veronika Dundure.