Rokstu sagataveja: portals lakuga.lv

Itymā nedeļgolā, 25. aprelī, Rēzeknē, Latgolys viestnīceibā “Gors”, humora projekts “Četri bruoli” ar eistynu šovu i Lauri Zalānu nūslēgs “Saulis sistemys turi” pa Latveju. Partū īsacejumus sagatavejs vīns nu četru bruoļu – Mārteņš Kozlovskis ci Kozmens.

Tolkuošona

Apreļs kasgadeji ir mieness, kod teik reikuota akceja “Lielā talka”. Itūgod tei īkreit 25. datumā. Sevkurs teik aicynuots sakūpt sovu apleicīni. Tū var dareit individuali, bet var kūpā ar cytim entuziastim. Sātyslopā talkas.lv var atrast karti ar tolkuošonys vītom i informaceju, kaidi dorbi i kur byus juodora – tik izalosi i ej tolkā!

Humors i improvizaceja Rēzeknē

Piec tolkys na viņ gordai juopaād, bet ari juopasasmej! Ituo gods pavasarī humora projekts “Četri bruoli” jau ūtrū godu, izvadūt šovu uorā nu Reigys, brauc turē pa Latveju. Četri bruoli Kozlovski – Kozmens (Mārteņš), Oskars, Jurs i Juoņs – jau gastejuši vairuokuos Latvejis piļsātuos, i 25. aprelī 19 stuņdēs ar smīklim pīpiļdeis ari Latgolys viestnīceibys “Gors” zāli. Šova eipašais gosts byus nivīns cyts kai Lauris Zalāns. Beletus iz pasuokumu meklej ITE.

Labdareiba

Itūnedeļ aicynoju tevi nūzīduot naudu kaidam lobam mierkam. Zīduot pavysam nav gryuši. Tū var izdareit, par pīmāru, nūdūdūt butelis taromatā, voi ari lītuotnē mobilly.lv, kur kotru mienesi var daslēgt automatiskū zīduojumu, kas aizīs kaidam lobam mierkam. Cyta storpā ari atbaļsteit latgaliskū i latgalīšu kulturys kusteibu “Volūda”. Taipat aicynoju atbaļsteit Ukrainu ceiņā par uzvaru. Tū var izdareit vysaiži, par pīmāru, izavēlēt kaidu zīduojumu kategoreju labdareibys platformā ziedot.lv. Tok zīduot var ari ar pasuokuma apmekliejumu. “Smieklu lādiņš” ir šovs, kurā apsavīnoj vairuoki Latvejis komiki, lai vuoktu naudu Ukrainys atbolstam. Paguojušajā godā komikim saguoja sazīduot 20 augstys kvalitatis dronus, tok itūgod nauda tiks nūvierzeita kravys busa voi apvyda auto īguodei, lai ar tū apguoduotu fronti voi evakuātu karaveirus. Vaira informacejis i beletus iz pasuokumu var atrast ITE.