Roksta autors: mygluojs

Puora nedeļu pyrma rezidencis Lūznovys muižā beju Šauļūs, tī – Frenkeļa villā, ryupnīka Haima Frenkeļa 1908. godā izcaltajā sātā, kas, taipoš kai Lūznovys muiža, ir jūgendstila arhitekturys pīmārs. Lels beja muns puorsteigums, kod tī ekspozicejā īraudzeju ari rakstneicys Gertrudis Stainys (Gertrude Stein) skulpturu. Juos dorbus dažreiz kategorizej kai dadaismu i sirrealismu, kai pīmāru ruodūt citatus “Rose is a rose is a rose is a rose” (“rūze ir rūze ir rūze ir rūze” – m.) i “there is no there there” (“tī nav tuos tīneitis” – m.). Tys munā pruotā nūvītuoja juos darbeibys godus jau piec Pyrmuo pasauļa kara, koč i juos dzejis kruojums “Tender Buttons” (“Meikstuos pūdzenis” – m.) ir publicāts 1914. godā i tū precizuok raksturoj kai literarū kubismu. Tys zeimoj, ka juos darbeibys laiks puorsakluoj ari ar Lūznovys muižys izceļšonys (1911) i aktivuokuos muokslinīku rezidencis laiku, na, ka tī ir diveji pasauli, kam vyspuor nav nikuo kūpeiga. Itymā eksperimentā raudzeju savīnuot Lūznovys interjeru pīredzi i Stainys bolsu.

Kuopnis/Gaitiņs

Ka babcis smiļšpapeira tapcis īkreit stabeņu jūtūbē kreit jūtūbē kreit jūtūbē. Kas apturēs leimis tigrus, kas apturēs. Kas attaiseis durovys iz zynuošonom, kas attaiseis.

Seipulu zīdi pījam zaudiejumu, apaškejī zīmeli aicynoj pavasari. Gaisma nūskoloj vaini vaini tovu vysleluokū vaini. Vēļ vydā sasatiksi ar vysim sovom paguojumim i izprīškguojumim cikom cālkūki pīduovoj treiskuoršu evakuaceju. Īškejī feniksāni pīdzīd motivacejis viestulis nūknuoboj vacgoda švuorbu ūgys nūmygloj duorzeņus iz nakti. Klakšynoj papīžus seminara ritualu ritmā. Aizstaigoj prūm sepiniejumus kai školys eksamenā. Prīcynoj savīneibys ar tāmvedeibu. Prīcynoj.

Muokslinīku telpa

Olimpiskuos škirys smiļtsierkši sorgoj mūža aizkulisi.

Kotrā styurī pa opolumam. Kotrā meikstumā palākums. Skeletelialuo kolonade sorgoj apetitu. Ni olimpiskūs spieļu bez vierzīņa bez lāpys, bez lāpys bez vierzīņa. Šuok augšuok augšuok augšuok augšuok augšuok augšuok augšuok augšuok augšuok augšuok augšuok aug.

Muola pūdu zāle II

Škoļneicys apsveic rudzu teirumu kolekcejis reverberacejis i pistacejis ar plana izpiļdi. Kryutsgolus izrūtoj radioaktivuo zalta zvuorguleiši. Apsyubiejušim vareiba tik karinēt, varynuošonai tik prācavuošona. Osoku ceļš suokuos aizpelej patraucej guojumu da uorspasauļam. Portali tāloj vīnaideibu dabojuši struopi par izskaistynuotu reklamu. Leimeniskums ir izvēle sluoni ir izvēle sejs ir izvēle durovu slapaneiba ir izvēle.

Sofijis rezidence

Diveju sīnu princips, diveju sīnu princips, diveju sīnu princips, diveju sīnu princips, diveju styklu princips, diveju sīnu princips. Soldoni klīgt pi sol diez tonalitatis serenadem. Burdons i drons asūt sinonimi. Soldoni mīgt es izskaiteju i pīkreitu drūseibys politikai. Diveju gultu princips, diveju skapu princips, diveju deču princips, diveju lampu princips. Daspīd mani pi stykla kryuts aizrokstūt testamentalū vajadzeibu. Sorgoj mani Kerbedzi i Kerbedzīnis. Krakšynoj parketa lūceitovys, sādynoj muorktīceigumā. Viersskanis sorgsuni aiz lūga, viersskanis sorgsuni viers golvys, viersskanis sorgsuni ap tūrni, viersskanis sorgsuni zam Saulis zam Merkura zam Marsa zam Saturna zam Venerys varbyut zam Jupitera varbyut jam pi suonu.

Sorkonuo zāle

Rūžu duorzs sajam viertiejumu ai pagali pa pakali. Gondreiž ausekleiši svietej gondreiž tautysdzīsmis, ai putru nūzīstus čūkstus. Raugu atrysynuot pseidosaulis i kvazivydslaikus. Vys jau vibracejis atness pareizūs vaicuojumus. Vys jau konstrukcejis rūsynuos atpesteišonu. Vys jau tapetis īraudzeis personifikaceju.

Felicejis rezidence

Par kaidim tropim šudiņ beseitīs. Ka nūgrīž styuri, tod nazuoļu par daudzi. Ka papardis ružovys, tod juomeklej paguļte. Aiz laimis var apruopuot vysus grīstus lauztus i īkuortus. Kas uotruoks – Zīmyssvātki ci zeminis? Ka tik na zemneicys, zemneicys zīmeļneicys nu tyvajim rītumim.

Kaminzāle (Kerbedza kabinets)

Sieņu laikmats atīt ari kastaņu audzē. Smedzini aug ari nu grīstim i pīturom. Gudreiba atsaspīgeļoj antikvariatu digitalajus ekranūs, staigojūt pa vacūs imperatoru valkim stīpnim i gondreiž kailcieršu audim sitnim. Papardis nīšu mekliejumi aktuali kai laika grīzumā, tai sabīdreibys škārsumā. Radzu sevi skapa augšā caurspeideigu. Dažaidu agregatstuovūkļu orhidejis zīd Latgolys ofisūs jau symtu godu. Bistis bistis kristis, sīvītis ir intelektualuos darbeibys stabilitatis generalsponsori.

Garderobe

Sensualitatis ritmu nūglauž suonkauļa lūceitova. Alkiunis īboksta apeineišu ritineišim. Ekspresivi atīsmūt i aizīsmūt naaizmiersti nūraksteit plastmasu nūskenēt nūrevidēt nūslauceit zam parketa. Iudiņa līsmem aizplyust uorspuse, nikas naatlīk kai aizplūstuot iz bauhaus kruosys skreinem. Klaigys aizīškys, klaidys pīdūškys, kūki uorā rūtuoškys naatbylstūt guņsdrūseibys nūsacejumim.

Boltuo zāle

Randeņā ar sevi otkon sasabeistam vīns nu ūtra siežam īspiejami tuolai siežūt lūgā siežūt vitrinā siežūt pa pūdim izakaisūt pa radiatora caurumenim. Krystojūt kļovus i ūzulus aizzīdam amazoneigim zīdim. Verandskateigums aplīcynoj dabiskys izceļsmis dzalūņdruošu napīcīšameibu. Vatis deču ārtumam kopeja pauzis četru sastdaļu plotumā diveju caturtdaļu līknumā. Kliepī plaukstys leluma muorks kimā nūsleicynuot trešdaļdīnnakts mīgspieju.

Nūdrūsynoj pīdzeivuojameibu olkonim zaļumim. Daravoj puordūmu tukšumu aizbļautam bolsam. Līcynoj izzinis īspiejameibu treisdesmitreizis puorskrītajam pīcys reizis pamaneitajam. Aizlaid vuoku mikropierstim makrospīstkuoreibai vydsmāra spiejumam. Aizved jiurai dūtū čemodanu iz grandi fināli. Nasakriteibys napagaiss ar godskuortom viņ izagaismuos garlaikuotūs palākūs masu nesiejim. Vācynoj par nataisneibom. Līcynoj.