Rokstu sagataveja: portals lakuga.lv

Latgolys regionaluo televizeja (LRT) suoc raidejumu cykla “Latgales pūra lāde – atdzimšana II” jaunū sezonu, kas ir turpynuojums pārņ eistynuotajam projektam. Ari itūgod skateituoji īpazeis Latgolys kulturys montuojumu, senejuos tradicejis i cylvākus, kuri tuos sagloboj i nūdūd paaudzem iz prīšku. Projekta laikā tiks sataiseiti četri televizejis raidejumi, kurūs atspīgeļuos senejūs tradiceju atjaunuošonu, tūs eistynuotuojus i nūzeimi myusu dīnu sabīdreibā, reizē skaidrojūt ari itūs tradiceju viesturyskū izaceļšonu i skotu iz prīšku.

Pyrmais raidejums byus veļteits Īdenis cīmam ci zvejnīku solai, kas atsarūn Rēzeknis nūvodā i ir eipaša ar tū, ka ir vīneiguo zvejnīku sola Latvejā, kas naatsarūn pi jiurys. Ite vys vēļ dzeiva ir nalela zvejnīku kūpīna, kas saglobuojuse sovys zvejis tradicejis, amatnīceibys prasmis i eipašū dzeivisveidu.

Raidejumā skateituoji īpazeis Īdenis viesturyskū i kulturys montuojumu, dūsīs iz tradicionalajim Zvejnīku svātkim Nagļūs, īpasazeis ar svātku dalinīkim, aktivitatem, kai ari kūpā ar vacuokū Īdenis zvejnīku Robertu laissīs zvejā Lubuona azarā, īpazeistūt kasdīnys dorbu i paaudzēs montuotuos zvejis prasmis.

Taipat skateituoji īpasazeis ar vītejim dzeivuotuojim, kuri kasdīnā ryupejās par zvejnīceibys tradiceju saglobuošonu i populariziešonu. Eipaša viereiba tiks pīvārsta tam, kai senejuos tradicejis veiksmeigai turpynoj dzeivuot myusu dīnuos, teikūt par nūzeimeigu turysma i dzeivuotuoju salīdieteibys daļu.

Raidejumā sovu stuostu atkluos eipaša Īdenis dzeivuotuoja i tradiceju uzturātuoja Anna Macāne, kura vairuoku godu garumā kūpā ar veiru Juoni Macānu padarejuse zvejnīku solu par popularu golamierki na viņ Latvejis dzeivuotuojim, tok ari gostim nu uorzemu. Tiks atkluoti stuosti par zvejnīku solys viesturi, Lubuona azara nūzeimi vītejūs ļaužu dzeivē i zvejnīceibys tradicejom, kas ite teik kūptys jau paaudzem. #SIF_MAF2026

Pyrmais cykla raidejums tiks puorraideits kanalā TV24 25. julī 16 stuņdēs, 26. julī 10.30 i 20.30 stuņdēs, kai ari raidejumus var atrast LRT sātyslopā, kai ari vītnēs Facebook, YouTube i platformā xtv.lv.

Raidejuma veiduotuoji gaideis ari jiusu atsauksmis i īsacejumus viestulēs pa postu, adrese: Rēzekne, Piļs īla 4, LV-4601 ar nūruodi Latgolys regionalajai televizejai voi LRT socialūs medeju lopuos, kai ari e-postā lrt.zinas@inbox.lv voi zvonūt/rokstūt iz telefona numeri 26339536.

Projektu finansej Medeju atbolsta fonds nu Latvejis vaļsts budžeta leidzekļu. Par raidejumu cykla “Latgales pūra lāde – atdzimšana II” saturu atbiļd SIA “Latgales reģionālā televīzija”. #SIF_MAF2026

Publikaceju apmoksoj Latgolys regionaluo televizeja