Nūsasliedzs Vaļsts Kulturkapitala fonda i AS “Latvijas valsts meži” 2018. goda projektu konkurss, kurymā pīškierts finansiejums Latgolys kulturys programys projektim. “Latvijas valsts mežu” atbaļsteitajā Latgolys kulturys programā tyka īsnāgti 165 pīteikumi, atbolstu sajēme 65 pīteikumi, programā pīškiertais finansiejums ir 153 326 eiro. Itei programa snēgs finansialu atbolstu nūzeimeigim kulturys projektim, kas veicynuos Latgolys kulturvidis, vierteibu i tradiceju atteisteibu.

Konkursā vysleluokū finansiejumu 7000 eiro apjūmā sajiems projekts “Jaunās latgaliešu mūzikas festivāls “Muzykys Skrytuļs” 2018″, atbolstu 6750 eiro apmārā sajiems projekts “Fotoalbuma LATGALES AINAVA izdošana Latgales kultūrvides daudzveidības saglabāšanai un attīstībai”, tikpats lels finansiejums pīškierts ari projektam “Starptautiskais laikmetīgās dejas festivāls ‘Vides Deja’”.

Projektu konkursā finansiejumu sajiems ari portals lakuga.lv jaunys portala vizaluos identitatis i sātys lopys izveidei. Ar projektu konkursa rezultatim var īsapazeit ite.

Viests sagataveita piec VKKF snāgtuos informacejis.