Latgalīšu rokstu volūdys nūdarbeiba VIII
Rokstu sagataveja: bīdreiba “LgSC”
Bīdreiba “LgSC” sadarbeibā ar latgalīšu kulturys ziņu portalu lakuga.lv aicynoj iz nūslādzūšū latgalīšu rokstu volūdys tīšsaistis bezmoksys nūdarbeibu, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus.
26. oktobrī 19.00 ostoituo i nūslādzūšuo kursa nūdarbeiba, tai leidza sekuot var tīšraidē ITE (bīdreibys “LgSC” profilā socialajā teiklā Facebook), kai ari pīsaslēgt ZOOM variantā ar saiti ITE. Piečuok nūdarbeiba ir nūsaverama ari “LgSC” kanalā YouTube i īroksts palīk ari Facebook.
Latgalīšu rokstu volūdys nūdarbeibys voda vīna nu zynūšuokūs latgalīšu rokstu volūdys specialistu, latgaliskūs gruomotu korektore, pīredziejuse volūdys nūdarbeibu vadeituoja i volūdys eksperte Muora Mortuzāne-Muravska.
Septeituo nūdarbeiba veļteita darbeibys vuordam – trešajai konjugacejai, supinam i tuo atgrīzeniskajom formom. Ite zamuok byus daīmams tests, kurā varēs puorbaudeit, cik itūreiz nūdarbeibā labi saprasta tema.
Lels paļdis vysim, kuri pīsadaleja nūdarbeibuos i raudzeja īsavuiceit vaira par latgalīšu rokstu volūdu! Prīcuosimīs, ka aizpiļdeisim anketu par kursim, kas mums ļaus saprast, kai guoja i kū i kai lobuok dareit iz prīšku. Anketa daīmama ite: https://ej.uz/LTGnudarbeibys
Vysys volūdys nūdarbeibys var nūsavērt ite:
Latgalīšu rokstu volūdys kursu nūtikšonu finansiali pabolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.
Ostoituos nūdarbeibys temys pošpuorbaudis tests:
Rezultats
#1. Kurs darbeibys vuorda variants ir pareizais teikumā: Mes korī niu ____ dzīsmi “Lobs bej’ puika myusu Jezups!”
#2. Ka latvīšu literarajā volūdā ir “sacīt”, tod latgaliski tys byus…
#3. Papyldynoj teikumu: Reitu īsim ____ blīnus pi babys!
#4. Kurs burts/burti ir pagaisuši vuordā “rakst__šona” (nu “rakstīt”)?
#5. Kura ir vuorda “turētīs” pareizuo forma teikumā: “Mes ____ pi redzīņa, ka reitdīna byus vēļ lobuoka!”
#6. Kurs burts/burti ir pagaisuši vuordā “slav__šona” (nu “slavēt”)?
#7. Kura ir vuorda “laseitīs” pareizuo forma teikumā: “Rudinī zūss ______ borūs, kab laistūs iz dīnavydim.”
#8. Kurs burts/burti ir pagaisuši vuordā “dar__šona” (nu “darīt”)?
#9. Cik klaidu ir itymā teikumā: Sazatykam ar muosuom, bet juos nūgoja guliet.
#10. Cik klaidu ir itymā teikumā: Itimā godā biusj ļely nūtykumi.
