Rokstu sagataveja: portals lakuga.lv

Svietejūt Vaļsts volūdys dīnu, kas nu 2021. gods teik atzeimāta 15. oktobrī, jau vairuokus godus par tradiceju beja palykuse pasauļa diktata latvīšu volūdā raksteišona. Deveitais diktats latgaliski skanēs Latvejis Radejis 1 eterā latgaliskajā raidejumā “Kolnasāta” sastdīnis, 18. oktobra, vokorā 18.15 stuņdēs, kai i video formatā byus nūsaverams Latvejis Sabīdryskuo medeja portalā LSM.lv i latgalīšu kulturys ziņu portalā lakuga.lv.

Ituo gods diktatā Daugovpiļs teatra aktrise Kristīne Veinšteina skaiteis speciali diktatam topušū Evijis Piebalgys miniaturu par maizi. Diktatu organizej Latvejis Radejis Latgolys multimedeju studeja, latgalīšu kulturys kusteiba “Volūda” i portals lakuga.lv. Vaira par diktatu i juo tekstu var izzynuot ITE.

Diktata teksts sastateits, īvārojūt Vaļsts volūdys centra 2007. godā apstyprynuotūs Latgalīšu raksteibys nūsacejumus, kuri daīmami ITE. Diktatā pīļaunama divskaņa “uo” apzeimuošona ari ar “ō”.

Diktatu var raksteit ari tīšsaistis formā i īsnēgt klaidu puorbaudeišonai http://ej.uz/LTGdiktats2025 voi zam video.

Pīroksti diktatu, verūtīs video, i piečuok puorbaudi pīraksteitū tekstu, mīdzūt ITE.

Diktatu latgalīšu rokstu volūdā organizej latgalīšu kulturys kusteiba “Volūda”, latgalīšu kulturys ziņu portals lakuga.lv i Latvejis Radejis Latgolys multimedeju studeja, bet atbolsta Sabīdreibys integracejis fonds nu Latvejis Republikys Kulturys ministrejis daškiertūs Latvejis vaļsts budžeta leidzekļu i Vaļsts kulturkapitala fonds.