TESTS: kū tu zyni par zīmu Latgolā?
Rokstu sagataveja: Kristīne Pokratniece, portals lakuga.lv
Itūgod zīma myus lutynoj kai ar snīgu, tai soltuma rekordim. Tok voi tu zyni, kai latgaliski sauc vysaidys soltuma izpausmis? Zīma i tuos paruodeibys ir boguoteigai puorstuovātys na tik myusu leksikā, tok ari gleznīceibā i lirikā. Taipat tys ir laiks, kod svietejam svareigus godskuortu svātkus – Zīmyssvātkus, Aizgavieni. Zīmā vārojam ari dobu i raugom saprast, kaids byus laiks iz prīšku. Aicynojam puorbaudeit sovys zynuošonys i palikt par eistynu zīmys ekspertu!
Rezultats
#1. Atmini meikli! Sarunoj divi bogoti zīmu cīst, vīns kūka serdeitē, ūtrs – lads gabaleņā?
Bite i rudzi
Tradicionali ar meikļu miniešonu nūsadorbuoja vālā rudinī i zīmys pyrmajā pusē – laikā nu Muorteņu da Leldīnis. Meikļu miniešona cīši saisteita ar garūs, tymsūs vokoru nūdarbi – vakariešonu, kod saguoja kūpā saimis i sābri i nūsadorbuoja paraleli ar vysaidim saimnīciskim dorbim, par pīmāru, rūkdorbim voi instrumentu lobuošonu.
#2. Kurs ir itūs dzejis ryndu autors?
Augusts Egluojs (1904–1994) dzejūli pīrakstejs 1936. godā. Juo dzejai rakstureigs filozofisks apcereigums, emocionalitate. Tei ir klusa i mīreiga i nareši aizvad iz dzymtū pusi Latgolā – Bierzpili, Lubuona klānim, Iču.
#3. Kai sauc itū konstrukceju? (Foto: I. Dimzule)
Grīztaukys ir kuortī pi ladā īsolušys bolkys dastyprynuotys rogovys. Tradicionali jimuos vyzynojās aizgavienī, lai augtu gari lyni i vuškom gara vylna.
#4. Kod _____ ceplī lein, tod uotra laikā ir sagaidoms solts, snīgs snigs i brīsmeigi saļs.
Interesants fakts – latvīšu tautys ticiejumūs taišni saisteibā ar laika paredziešonu vysuvaira nu sātys dzeivinīkim mynāts kačs.
#5. Kurs ir ituos gleznys ar zīmys ainovu autors?
Francisks Varslavāns (1899–1949) teik skaiteits par pyrmū profesionalū i 20. g. s. 20.–30. godu īvārojamuokū Latgolys muokslinīku. Vaira par izcylū muokslinīku izzynoj Laurys Meļnis rokstā.
#6. Kas ir apguoļs?
Atkola
Vaira par vysaidu ar zīmu i soltumu saisteitu leksiku vari puorskaiteit Sandrys Ūdris rokstā.
#7. Kuru zīmcīti Latgolā sauc ari par lataceņu?
Lauztū sirdi
Koč i itys augs oficiali teik saukts par sirdspuči (LV – daiļā sirdspuķe), tautā vysu bīžuok tei pazeistama kai lauztuo sirds. Tok Latgolā tū vēļ mādz saukt par lataceņu, sercaini i kunga osoru. Vaira par augim i tūs latgaliskajim nūsaukumim vari izzynuot, izpyldūt testu “Kas tys par augu?”.
#8. Vīneiguo piļsāta Latvejā, kurā ir Februara īla, ir:
Februara īla ir 310 m gara īla Daugovpilī. Tai nikod nav maineits nūsaukums, kurs tai daškierts jau pyrma Ūtruo pasauļa kara.
#9. Kod atīt pyrmais snīgs, tod bazneicā juosaskaita deveni _______, lai zīmā nabyutu putiņu.
Plykgaļvi
Ticiejums, kurū Latgolā paguojušuo godu symta suokuos pīrakstejs folklorys vuociejs Kārlis Jansons.
#10. Kuram latgalīšu rakstnīkam i tulkuotuojam beja pseidonims Zīmeļs?
Ontons Laizāns (1884–1954) – rakstnīks, tulkuotuojs, publicists i jurists. Ar pseidonimu Mateiss Olūteņš laikrokstā “Dryva” publiciejs humoristiskus pastuostus. Vaira par jū vari skaiteit portalā literatura.lv.
Komentari