Pīktdīnis vokorā paradzāts eists krūga vokors ar eistynu latgalīšu muzyku postfolklorys grupys “Rikši” izpiļdejumā.

Postfolklorys grupa “Rikši” rodusēs 2011. godā, Rēzeknis jaunīšu folklorys kūpys “Vīteri” dalinīkim suocūt studēt Reigā. Par golvonū aizdavumu “Rikši” ir pastatejuši latgalīšu tradicionaluos muzykys populariziešonu Latvejā, eipaši jaunīšu vydā. Sovys pastuoviešonys laikā grupa ir spielējuse vairuokus symtus koncertu vysaiduos vītuos Latgolā i puorejā Latvejā, pīsadalejuse vysaidūs festivalūs i pasuokumūs Latvejā, Lītovā, Krīvejā, Vuocejā i Fraņcejā, kai ari izdavuse div albumus.

Grupys sastuovā:
Eriks Zeps – akordeons i bolss
Zane Dukaļska – bubyns i bolss
Madara Broliša – vejūle i bolss
Ivars Utāns – basgitara i bolss
Mārcis Lipskis – gitara i bolss