Lūmuos: Jānis Kirmuška, Māris Korsiets, Ivars Brakovskis, Alda Krastiņa, Maija Korkliša, Ineta Radčenko, Kristīne Veinšteina, Līga Ivanova, Laura Atelsone, Ritvars Gailums, Jurijs Losevs, Egils Viļumovs

Raimonda Paula muzyka, Arnolda Liniņa dramatiziejums

Tautys komedeja ar Latvejis zalta fonda šlagerdzīsmem

Sovu pādejū dorbu pabeidzs pyrms vaira nakai godsymta, Rūdolfs Blaumanis vys vēļ ir vīns nu īmīļuotuokajim latvīšu autorim. Juo dorbūs ir īkodāts latviskuos identitatis kūduls. Izruode ir muzykala i atraktiva, nu tai pošā laikā nūpītni tiks vaicuotys atbiļdis iz vaicuojumu – kas ir ciļvieceiba i mīlesteiba, kas ir svareiguok – uorejais voi īkšejais.

Darbeiba nūteik laukūs, kur Viļņu Juoņs izmiseigi meklej sev dzeivisbīdri. Pretendentis ir vysaidys: skaistys, čaklys i krītnys, nu, kod tu daej pavysam tyvu kluotyn, redzi, ka nav vys tai, kai ļauds runoj. Itaiduos reizēs līti nūder viļteiba, caur kū tod ar var atrast tū eistū i vīneigū.

I pateik mums ci nā ironizēt par itū temu, nu tī ir tipiski latvīši – ar myužeigū vēļmi izaruodeit cytu prīškā, tāluot lobuokus, nakai patīseibā asam. I nav jau tik komiskais – izruodi caurstrāvoj mīlesteiba iz sovu zemi, sātu, cylvākim, dorbu i tradicejom. Pruota lūkaneiba, veseleigs pragmatisms, spieja pacīteigi īt iz mierki, īsaklauseišona sirds bolsā – tys ir golvonuo varūņa i taidā veidā ari latvīšu tautys raksturuojums, par kū varēs puorsalīcynuot, verūtīs izruodi.

Izruodē pīsadola Daugovpiļs teatra modernuo baleta trupa i popularuo grupa “Laimys Muzykanti” A. Uškāna vadeibā, skaņ R. Paula dzīsmis Daugovpiļs teatra akteru i gostu akteru izpiļdejumā.