16. majā 15.00 stuņdēs Latgolys Centralajā bibliotekā (Reigys īlā 22a, Daugovpilī) Nūzaru literaturys sektorā sevkurs interesents teik aicynuots iz izstuodis “Daugavpils telpā, laikā un dziesmā” atkluošonu. Izstuode veļteita piļsātai i dzīsmei – Daugovpilei, kas itūgod svietej 750 godu jubileju, i dzīsmei, kas piec desmit godu puortraukuma otkon skanēs Stropu estradē Latgolys dzīšmu svātkūs.

Izstuodis atkluošonā pīsadaleis viesturis doktors i Gūda daugovpilīts Henrihs Soms i muokslys zynuotņu doktors, Daugovpiļs Universitatis profesors Ēvalds Daugulis.

Izstuodis ekspoziceja snādz īskotu piļsātys viesturyskajuos nūtikšonuos: nu pyrmatkluotūs objektu senejā Dinaburgā da Latgolys dzīšmu svātku Daugovpiļs Stropu estradē.

Apmaklātuoju viereibai tiks pīduovuota slaidruode ar senejom piļsātys ainom, Latgolys Centraluos bibliotekys taiseituo datubāze “Dziesmotā Latgale”, interaktiva viktorina ar vaicuojumim par Daugovpili i tuos apleicīni, cytys aktivitatis.

Izstuodi varēs apsavērt da 28. juņa.