22. julī Lūznovys muiža aicynoj nu jau iz trešū Muokslys pikniku – muokslu i garšu festivalu, kurymā vīnuvīt aicynuoti puļcētīs muokslys baudeituoji, sajiutu gordieži i eipašūs šaļteņu kolekcionari, kab ar muzykys, muokslys, dejis, garšu i cytom baudom pīdzeivuotu muokslys radeišonys šaļti.

Par skanis baudom pasaryupēs “Pērkons”, “Bez PVN”, “Rahu The Fool”, “Žvūrgzdyni”, Evilenas Protektores džeza kvartets, “Tangoriginales”, “Baltic Guitar Quartet”  nu Lītuvys i cyti.  Muzykalūs garšu programa meisīs ar cytom baudom – byus apsaveramys laikmeteiguos dejis, cyrka, leļu izruodis leli i mozim, varēs vāruot muokslys plenera nūrisi i ari pošim radeit muokslys dorbus. Byus ari keramikys cepļa kurynuošona i izjimšona, kino, žongleišonys, lelūs burbuļu, muokslys i iedīņu meistarklasis, šaltenis restorans i cytys nūrisis.  

Publicitatis karteite