Puordaugovys bibliotekā (Komunalajā īlā 2, Daugovpilī) da 19. septembra apsaverama Daugovpiļs muokslineicys i muokslys pedagogis Alīnys Petkūnis dorbu sereja “Latgales burvju portrets”. Smālusēs īdvesmi Latgolys viesturē, mitologejā i tuos magiskajā montuojumā, autore radejuse dorbu sereju sovpateigā tehnikā. Tamā izmontuotī cepļa palni simboliski saista myus ar seņčim, dzymtys perekli i šaļts eislaiceigumu. Tai kai muokslineicys centralais izapausšonys veids ir portrets, ari itamā kolekcejā golvonais varūņs ir cylvāks — kulturys, atminis i īškejuo spāka globuotuojs.