Tai pasauļs īkuortuots, ka sīvītis mīlesteibu jiut ar acim, bet veirīši ar muogu. I parkū gon vīns nu eista latgalīša īcīneituokajim iedīnim navarātu byut peļmeni? Vyspuor jau sātā taiseiti peļmeni saistuos ar saimis syltuma, muojeiguma i mīlesteibys sajiutu. Ka taidys nav tovā saimē, tu suoc meklēt aizvītojumus cytur, i tod mīlesteiba vairs naspiej pasorguot nu problemu i liktineigu klaidu. Vīns gudrais nazkod saceja: ar naudu atrisynojama problema nav nikaida problema, bet izdavumi. Bet kū īsuokt ar taidom liktineigom klaidom, par kurom moksojamuo cena reizem ir pruotam naaptverama i tu sasasajiut kai taida dzeivis tiergā izlykta prece sūpluok sev leidzeigom? Saceisit, ka tys jau ir teatris? Bet vai zynit, ar kū dzeive atsaškir nu teatra? Ar tū, ka iz teatri var atīt vēļreiz…