Vizuali dokumentejūt Latvejis austrumu pīrūbežu, fotografs Reinis Hofmanis pietej rūbežu kai maineigu telpu, kas puorveidoj īrostū ainovu, ītekmejūt cylvāku kasdīnu, vidi i pīdareibys sajiutu.

Projekta centrā ir vizuals pietejums par rūbeža materializiešonūs ainovā. Tys atkluoj, kai geopolitiskuo sprīdze i drūšeibys politika pakuopeniskai puorvierš abstraktu rūbeža jiedzīni fiziskā realitatē, kas ījam vys radzamuoku vītu apleicejā vidē. Dorbs fokusejās iz ainovys puormejom, militarū i civilū infrastrukturu, kai ari cylvāku kluotbyutnis pādim, atkluojūt, kai globali politiski procesi īsamīsoj konkretā teritorejā i vizualuos detaļuos.