10. oktobris byus dīna, kurā īpazeit i sadzierdēt vysaidys volūdys – kai tuos, kurys dzierdim kotru dīnu, tai tuos, kurys kasdīnā skaņ rešuok.

Itūgod festivalā runuos par volūdu vuiceišonūs, mozuok lītuotajom volūdom i tū, kai volūda var paleidzēt veiduot īkļaunūšuoku sabīdreibu.

Programā byus interesantys sarunys, atkluoti pīredzis stuosti, volūdu darbneicys i gosti nu Baļtejis i Zīmeļvaļstu.

Festivalā byus ari daudzi kuo cyta, kū pīdzeivuot, redzēt i nūbaudeit – vegans iedīņs, aktivitatis bārnim, gruomotys, kū pajimt leidza, i spūdri pruoti, ar kurim sasatikt, sasarunuot i ļautīs dīnys nūtikšonom. I festivala izskaņā, kod sarunys byus izskaniejušys i darbneicys izbaudeitys, dīna tiks nūslāgta ar Volūdys bolvys padūšonu i koncertu.