Aglyunys Maizis muzejam byus septeituo godadīna

Aglyunys Maizis muzejam byus septeituo godadīna

Juļa beiguos sovu 7. dzimšonys dīnu svieteis vīns nu popularuokajim Latgolys turisma objektim – Aglyunys Maizis muzejs. Svātku svieteišona paradzāta 28. julī ar godatierga nūtikšonu, iz kurū pierkt i puordūt aicynuots kotrs interesents.

Amatnīku godatiergs byus dzimšonys dīnys svieteišona i sasatikšona reizē – pīredzis mejis vīta dažaidu paaudzžu lītiškuos muokslys izstruoduojumu darynuotuojim, lauksaimnīceibys, bakalejis produktu izgataveituojim nu vysim Latvejis nūvodim. Godatiergs reizē ir ari goda sasnīgumu atruodeišona i īspieja amatnīkim izstateit i puordūt sovus lobuokūs darynuojumus.

Tierguotīs grybātuoji aicynuoti dasasaceit pi Maizis muzeja vadeituojis Vijis Ancānis (pa telefonu 29287044), nu pierkt grybātuoji byus gaideiti 28. juļa reitā Aglyunā pi Maizis muzeja Daugovpiļs īlā 7.

Aglyunys Maizis muzejs dybynuots 2005. goda juļa beiguos i itūs godu laikā klivs par vīnu nu īcīneituokajim turisma golamierkim, iz kureini kotru dīnu brauc gosti na viņ nu Latgolys i Latvejis nu i cytom pasauļa vītom. Muzeja vadeituoja Vija Ancāne gostus izjim ar lelu sirsneigu, poša ar maizis cepšonu niu ir sasteita tyvi pi 20 godu, nu kurim leluokū daļu Aglyunys gostus prīcej ar Aglyunā pošu captu maizi.

Īviereibys cīneiga ir ari poša muzeja sātys viesture. Muzeja vītā 1920. godā itymā sātā atsaroduse sešgadeiguo škola, kuru sataisiejuse dzejneica Naaizmierstule (aba Rozālija Tabine).

Karteņā: Vija Ancāne – Aglyunys Maizis muzeja vadeituoja, publicitatis foto

Print Friendly, PDF & Email

Nūtikšonu kalendars

Aug
11
Cat
12:00 Aglyunys bazilikys svātki @ Aglyunys bazilika
Aglyunys bazilikys svātki @ Aglyunys bazilika
Aug 11 @ 12:00 – Aug 15 @ 20:00
Svātku programa Vyssvātuokuos Jaunovys Marejis Dabasūs uzjimšonys gūdam. 11. augusts 12.00 – Dīnys Svātuo Mise par sliminīkim pi Bazilikys duorza oltora. 19.00 – Vokora Svātuo Mise Dīvmuotis gūdam pi Bazilikys duorza oltora. 12. augusts 12.00[...]
14:00 Fokusgrupys sasatikšona digitala... @ Volūdu sāta
Fokusgrupys sasatikšona digitala... @ Volūdu sāta
Aug 11 @ 14:00 – 16:00
Fokusgrupys sasatikšona digitalai izstuodei par latgalīšu i jaunnorvegu volūdu @ Volūdu sāta
Kab izveiduotu digitalu izstuodi par latgalīšu i jaunnorvegu volūdu, “Volūdu Sāta” organizej fokusgrupys sasatikšonu. Tuos laikā ar potencialajim izstuodis apmaklātuojim tiks diskutāts par lītuotuojim draudzeigim rysynuojumim, kai ari nūtiks daleišonuos idejuos i pīredzē, apmeklejūt muzejus[...]
14:00 Latgaliskais seminars “Atzolys” @ Rekovys vydsškola
Latgaliskais seminars “Atzolys” @ Rekovys vydsškola
Aug 11 @ 14:00 – Aug 14 @ 18:00
2022. gods augustā bīdreiba “LgSC” Bolvu nūvodā reikuos bezmoksys četru dīnu latgaliskū seminaru jaunīšim “Atzolys”, kurā varēs pīsadaleit 20 jaunīšu vacumā nu 16 da 25 godu, kab vuiceitūs latgalīšu rokstu volūdu, īpasazeitu ar myusdīnu Latgolys[...]
Aug
12
Pīk
12:00 Ludzai – 845 @ Ludza
Ludzai – 845 @ Ludza
Aug 12 @ 12:00 – Aug 13 @ 23:45
Ludzai - 845 @ Ludza
14:00 Keramikys cepļa kūršona @ Raiņa muzejs "Jasmuiža"
Keramikys cepļa kūršona @ Raiņa muzejs "Jasmuiža"
Aug 12 @ 14:00 – Aug 13 @ 13:00
Keramikys cepļa kūršona @ Raiņa muzejs "Jasmuiža"