Kai volūdys i kulturys sadzeivoj Latgolā/ Pi myusim Latgolā!

Kai volūdys i kulturys sadzeivoj Latgolā/ Pi myusim Latgolā!

Pīduovojam nūsaklauseit producentu grupys SIA „Lietišķā Latgale” taiseituo raidejuma „Pi myusim Latgolā!” pādejū raidejumu itymā godā par dažaidu volūdu i kulturu sadzeivuošonu Latgolā.

Par latvyskuma centru klivušū Daugovpiļs Universitetu stuosteis rektors Arvids Barševskis, dažaidū kulturu i volūdu mejīdarbeibu atkluos Daugovpoļs teatra muokslenīcyskais vadeituojs i režisors Oļegs Šapošņikovs. Raidejumā uzrunuota Rēzeknis vaļsts pūļu gimnazejis direktore Valentina Šidlovska, kas vīnā školā rauga apvīnuot latvīšus, krīvus i pūļus, tymā pošā laikā nazaudejūt latgaliskū goru. Par Latgolys viestnīceibu GORS Rēzeknē stuosteis tuo vadeituoja Diāna Zirniņa.

Raidejumu cykls „Pi myusim Latgolā!” teik taiseits Nacionaluos Elektroniskūs plašsazinis leidzekļu padūmis reikuotuo konkursa „Par raidejumu taiseišonu regionalajūs i vītejūs elektreoniskajūs plašsazinis leidzekļūs, kas raida radeju programys, Latgolys regionā” ītvorūs.

Raidejumu cyklu taisa producentu grupa SIA „Lietišķā Latgale”, pīaicynojūt vītejūs žurnālistus, i da ituo goda beigu planavuots sataiseit ostiņus raidejumus par Latgolys regionā aktualom i nūzeimeigom temom kai administratīvi teritorialuo reforma i tuos ītekme iz īdzeivuotuoju kasdīnu, latgalīšu volūdys aktualizaceja, tautīšu reintegraceja i cytys.

Raidejums „Pi myusu Latgolā!” skaņ pīktdinem 18.00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lvlatgale.lv i i-rezekne.lv.

Karteņā – Diāna Zirniņa, foto nu Latgolys viestnīceibys GORS arhiva

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.
18:00 Izruode “Mazpiļsāta” @ Saulkrostu breivdobys estrade
Izruode “Mazpiļsāta” @ Saulkrostu breivdobys estrade
Jul 12 @ 18:00 – 20:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]