Nūtiks konfereņce “Krystpunkti pīrūbežys kulturā, volūdā, viesturē”

Nūtiks konfereņce “Krystpunkti pīrūbežys kulturā, volūdā, viesturē”

Nu 21. da 23. novembram Rēzeknis Augstškolā nūtiks projekta “Virtualuo paguotne – muzeju byutīne” nūslāguma konfereņce i 7. storptautyskuo latgalistikys konfereņce “Krystpunkti pīrūbežys kulturā, volūdā i viesturē”. Konfereņcis ītvorūs itūgod nūtiks ari tradicionaluo Rēzeknis Augstškolys reikuotuo Andrejdīna, kai ari diskuseja “Kai saglobuot i nūstyprynuot omotnīceibys nūzari?”.

Vīns nu projekta “Virtualuo paguotne – muzeju byutīne” mierkim ir saisteits ar pietnīciskuos darbeibys aktiviziešanu, vaicojūt paralelis i krystpunktus pīrūbežys kulturā, volūdā, viesturē. Nūslāguma konfereņce ir veļteita ituos problematikys atkluosmei, kai ari leluokys sabīdreibys dalis, eipaši jaunuos paaudzis īpazeistynuošonai ar izveiduotajom virtualajom galerejom, datorspēlem, taipat – nuokūtnis sadarbeibys īspiejom.

Partū iz konfereņci teik aicynuoti zininīki, muzeja darbinīki, nūvodpietnīceibys entuziasti, kuru pietejumu objekts ir saisteits ar pīrūbežys kulturys fenomena izpieti, tuo saglobuošonu i populariziešonu.

Projekts “Virtualuo paguotne – muzeju byutīne” teik eistynuots nu 2012. goda 1. decembra da 2014. goda 30. novembram (24 mieneši). Projekta mierkis – izveiduot virtualys muzeju fondu galerejis, kurys byus pīejamys škārsteiklā, taidā veidā modernizejūt muzeja eksponatu apsavieršonu, pīduovojūt 4 datorspēlis, kas varātu byut saistūšys bārnim i jaunīšim, īpazeistūt nūvodam rakstureigū kulturmontuojumu, dūmūt vareibu leluokam cylvāku skaitam virtuali apsavērt muzejus, kai ari rodūt tim interesi apmeklēt tūs kluotīnē.

Projekta vodūšais partners – Rēzeknis Augstškola, projekts teik realizāts sadarbeibā ar Kēdaiņu Regionalū muzeju (Lītova), Grodņys Vaļsts Viesturis i arheologejis muzeju (Boltkrīveja) i Rēzeknis piļsātys dūmi, kas puorstuov Latgolys Kulturviesturis muzeju. Projekta aktivitatis i rezultati ir radzami sātys lopā: www.futureofmuseums.eu.

Konfereņcis programa.

Diskusejis “Kai saglobuot i nūstyprynuot omotnīceibys nūzari?” programa.

andreji_2014_ped

Print Friendly, PDF & Email

Komentari

Kalenders

May
21
Ūtr
15:00 Izstuodis “Juoņs nu Dzeņagola” a... @ Latgolys Kulturviesturis muzejs
Izstuodis “Juoņs nu Dzeņagola” a... @ Latgolys Kulturviesturis muzejs
May 21 @ 15:00 – 16:30
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]