Pyrmūreiz izdūta gruomota par Daugovpiļs teatri

Pyrmūreiz izdūta gruomota par Daugovpiļs teatri

13. novembrī Daugovpiļs teatris pīdzeivuoja nūzeimeigu nūtikšonu – teatra kritikis i muokslys zynuotneicys Silvijis Geikinys gruomotys “Daugavpils teātris” prezentaceju.

Daugovpiļs teatra pyrmsuokumi vaicuojami vēļ 19. godu symtā, laikā, kod bīžuokī tuo apmaklātuoji bejuši puorsvorā tik karaveiri i viersnīki nu Daugovpiļs cītūkšņa. Sovukuort laika gaitā teatris puļciejs kūpā vysvysaidus cylvākus. Teatram ir boguota viesture, kurei pīsuotynuota ar kontrastom nūtikšonom. Gruomotys prezentacejis laikā nalelu īskotu gruomotys 400 puslopuos apraksteitajā Daugovpiļs teatra viesturē deve teatra akteri Kristīne Veinšteina i Egils Viļumovs. Sovukuort par teatra komiskajom puslopom atraktivai viesteja Māris Korsiets. Pasuokuma svineigū daļu papyldynuoja muzykaluo pauze Sanda Ulpis izpiļdejumā.

Silvija Geikina atzeimuoja, ka Daugovpilī ir vaicuojamys juos saknis, par kuruom jei beja pīmiersuse. Tik 2012. godā, vaicojūt jaunu temu sovam pietnīcyskajam dorbam, jei dasavērse Daugovpiļs teatram. Reizē ar tū ari atause olkys piec dzymtuos pusis. Jei dasaceja, ka itei gruomota varātu byut lobs īsuokums, partū ka naatbiļdeitu vaicuojumu i naizstuosteitu atmiņu vēļ palics cīši daudz, partū rūsynuoja ari cytus pieteit Daugovpiļs teatra viesturi.

Gruomota radeita ar Daugovpiļs piļsātys dūmis, Vaļsts kulturkapitala fonda i apguoda “Mansards” atbolstu.

Daugovpiļs teatra kasē gruomota pīeimama par eipašu cenu – 9.03 eiro.

Karteņa: Džeina Saulīte

Print Friendly, PDF & Email

Kalenders

May
24
Pīk
22:05 Raibīs. Pyrma syltī. Zalta tesmi... @ Latvejis Radio 1
Raibīs. Pyrma syltī. Zalta tesmi... @ Latvejis Radio 1
May 24 @ 22:05 – 23:00
Raibīs. Pyrma syltī. Zalta tesmini. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
25
Sai
19:00 Grupys “Raxtu Raxti” i “Sinfonie... @ koncertzāle "Lielais Dzintars"
Grupys “Raxtu Raxti” i “Sinfonie... @ koncertzāle "Lielais Dzintars"
May 25 @ 19:00 – 21:00
Līpuojis koncertzālis pavasara sezonys nūslāgumā iz leluos skotivis varēs pīdzeivuot eipašu mageju, kū veiduos mejīdarbeiba tautys i akademiskuos muzykys vydā – grupa “Raxtu Raxti” i kamerorkestris “Sinfonietta Rīga” dirigenta Normunda Šnē vadeibā. Kūpeigajā koncertprogramā skanēs[...]